翠華餐廳 (銅鑼灣商業大廈) (Closed)

其實10年前我係翠華既fans，因為佢杯奶茶超正。到今時今日，感受到食物質素下滑，覺得很可惜。我老公係超級茶餐廳迷，日日都要食一餐茶餐廳，好彩有翠華，如果唔係日日嗌交。位於糖街呢間翠華，開咗大約一年半。好奇怪啲員工成日Hea 做，叫極都唔想行埋落單。門口附近幾個位冷氣唔夠，如果有其他客人入嚟，大門一開，熱到爆炸。下午茶時段試過食佢嘅魚蛋粉，但係有兩次都係食到有怪味嘅魚蛋，所以今次唔敢叫，唯有食鮮蝦菠菜餃米線啦。鮮蝦菠菜鮫米線鮮蝦菠菜鮫尚算新鮮，裏面有好多蝦，大大隻，都算幾彈牙。湯底胡椒味重左少少。米線煮得剛好，好彈牙，但份量少過以前囉。熱檸水啲檸檬一啲都唔香，十分之酸，好苦澀味好重。應該係用咗平價嘅檸檬。無辦法啦生意難做大家都明嘅