青花 (THE FOREST)

Book左檯晚上8點幾用餐，去到門口已經見到環境好靚。餐廳入面檯同檯之間都有白色板隔一隔，我哋被安排坐喺裡面近玻璃門位置，坐得幾舒服，檯兩旁仲有掛鉤俾客人掛袋，非常細心。叫嘅野食賣相都好靚好吸引，小食拼盤有豬頸肉、雞鎚、魚餅、蝦球，仲有兩個醬都好好味。飲品叫左蝶豆花奶蓋同熱情果梳打，兩杯飲品都好靚，梳打自然fresh d，奶蓋飲到後面我覺得奶味較重，可能我一開始冇完全攪勻，唔鍾意奶味重嘅朋友要留意。東蔭炸雞翼好惹味，我本身唔係好食得辣，要撥走d辣椒片😂但係幾好食。烤雞斑蘭青咖喱呢個配搭我第一次聽，加左手抓餅一齊食岩岩好，佢本身都濃味帶點鹹，個人覺得配手抓餅/白飯都唔錯。好彩佢冇東蔭烤雞翼咁辣🤤。食左陣隔離檯黎左一對年紀大少少嘅夫婦，餐廳職員好耐心地介紹菜式同解答佢地嘅問題，臨走經過出菜位仲見到有個好靚嘅生日蛋糕甜品，如果想慶祝生日可能都可以問下餐廳。