大壹燒鵝 (登輝大廈)

Open Now

Now Closed

近排出差銅鑼灣, 女友小熊今日亦都係銅鑼灣收工, 於是約埋一齊係銅鑼灣食晚飯.中午係華嫂食咗個唔多滿意嘅叉燒, 心有不甘, 係要食到個滿意嘅叉燒先滿足, 於是去咗登龍街大壹燒鵝.點咗叉燒同燒肉係例牌之外, 當然去到大壹燒鵝就緊係點燒鵝啦!叉燒用上五花腩, 有肥有肉有燶邊夠甜夠味, 我對叉燒嘅要求, 哩碟叉燒全部條件齊哂, 叉燒入口鬆軟, 連我大愛嘅蔥蓉都唔需要點, 已經夠入味, 燶邊叉燒更加係神來之筆, 依家個個嗌注重健康, 什麼什麼燶叉燒話無益有害, 攪到燶叉好似生人勿近, 唔係間間燒味店有供應, 食到的話好似中獎, 所以, 食完舊燶叉即刻滿足翻中午嘅失落感.我唔中意食燒肉, 一來燒肉底好咸, 二來燒肉肉質太實變得口感又硬又柴, 最後如果皮唔夠脆必定死罪, 由於劣品燒肉實在太多為免失望索性唔點, 但大壹燒鵝嘅燒肉將以上嘅缺點完全消失, 味道唔係大咸而適中, 外皮脆口而肉質鬆軟, 咁先至係一件好味嘅燒肉囉!燒鵝相信係啱啱燒制完成, 因為燒鵝仍暖, 第一次食暖嘅燒鵝, 原來好味好多, 同攤到凍哂係燒鵝完全兩回事, 鵝肉唔韌唔實超嫩滑亦十分 juicy, 皮脆，亦都唔需要點甜梅醬都好入味好