大壹燒鵝 (登輝大廈)

Open Now

Now Closed

每次同小妹去時代廣場購物, 都會食完晚飯才回家, 行到登龍街,  看見 大壹燒鵝,  門面闊,  好明亮. 那玻璃櫃掛著的巨形大燒鵝,  顏色觀感不俗, 好吸睛,  門外有推薦食品, 下午茶, 全日常餐, 價錢中肯.  好正啊.入門看見廚房外賣部好整齊清潔,  可以安心食.食堂有雅座, 卡位闊落,  拍拖同朋友食飯好合心意.餐牌好清晰,   先看招牌燒鵝, 及燒味介紹.   堂食燒鵝一隻或半隻, 有夏日啤酒大放送.還有燒鵝, 雙拼套餐, 連湯, 白飯, 油菜及飲品.  我們點了 招牌燒鵝,  雙拼套餐, 叉燒/燒肉, 有菜, 湯/茶,  好完美. 店家好有效率, 不到十分鐘,  食物 擺滿檯,   好齊整.   招牌燒鵝  (下庄),   份量足, 夠搶眼, 顏色立立令, 味香四溢.   備有秘制燒鵝酸梅醬. 鵝皮脆脆,  鵝皮在口中爆汁,  鵝肉厚而不肥, 少脂肪,  滲出陣陣炭燒香.   燒鵝肉質稔香, 沒有半點膻味,  脆皮底下的鵝肉好鬆軟,  點些酸梅醬很滋味, 送飯一流.雙拼餐:  燒煵仔拼叉燒,  配白飯, 蠔油生菜,  一碗例湯,  飲品.   白飯粒粒完整, 雪白分明,

🥢大壹燒味三拼轉燒鵝例牌最近去了一家位於銅鑼灣的小店，店舖主打燒鵝，於是我便品嚐了燒味三拼轉燒鵝例牌，這道菜的主角是叉燒、腩仔和燒鵝。叉燒色澤誘人，表面燒得恰到好處，肉質柔嫩，入口即化，叉燒上還灑了些桂花，滿意。腩仔則是肥瘦相間，脂肪部分的油脂在口中慢慢融化，帶來一種濃郁的香氣。燒鵝皮脆肉嫩，一口咬下去，齒頰留香，忍不住多嚐幾口，令人回味無窮。🥢油雞瀨粉油雞瀨粉同樣出色，雞肉嫩滑，瀨粉口感順滑彈牙。這種配搭讓整體感覺很具層次感。🥢跟餐油菜跟餐油菜是上湯娃娃菜，湯濃菜甜，健康飲食。位於銅鑼灣地段，這樣不俗的出品，價格亦相當合理，如果你也喜愛燒味，這裡絕對值得一試！

大壹燒鵝．必食驚喜腩叉同朋友仔去試出名食店：大壹燒鵝今次叫了3個餐，都非常抵食佢雙併都只需要60蚊必食的是 叉雞飯 真係好食到不能錯過只要5蚊的餐飲奶茶有水準，是港式正宗口味茶奶平衡，好飲朱古力，夠給力香濃沒有浮水朋友飲得很開心腩叉非常有水準唔係一般普通料是肥瘦均勻，有焦香甜味的高質出品特別是肥的位置非常爽口感超正一定要食腩叉腩叉腩叉！貴妃雞即切雞香嫩細滑，皮夠香有雞味，非常好食最神奇是有甜甜的炸菜好好食，真係好下飯好想知可唔可以買番樽回家食燒肉配燻蹄燒肉皮超脆，啖啖肉香燻蹄係傳統滋味大片夠食力，點一些醋汁一起吃，更是香口不得不讚是米飯用好米有飯香，配上燒味的醬汁米飯混合了油香，非常好食，狂掃入口極為滋味大壹燒鵝套餐：可雙併，包老火湯，油菜呢款係食家推薦，必食之選而且有湯有菜，份量不少我們單點了全鵝，大壹燒鵝皮脆焦香，肉質細嫩燒鵝汁香在口中迴旋好好食，朋友說是傳統的廣式味道很懷念油菜是上湯娃娃菜湯甜菜甜，平衡油香老火湯是木瓜雪耳很足料，很好飲，朋友一起分享很正餐廳：大壹燒鵝地址：銅鑼灣登龍街36-48號登輝大廈地舖#大壹燒鵝 #腩叉 #銅鑼灣

同朋友一齊嚟咗呢間燒鵝店諗住斬大嚿叉燒🤣$60「豉油雞飯」：豉油雞幾香豉油味，豉油雞雞皮非常滑🤣跟餐加 $5「熱檸水🍋💦」：簡簡單單🤣跟餐加 $15「郊外油菜」：「郊外油菜」係娃娃菜，娃娃菜幾新鮮，灼到軟腍腍，簡簡單單🤣$138「大壹燒味三拼 …. 例牌」：揀咗「皇牌叉燒、金牌燒腩、豉油雞（要雞髀 +$35）」：「皇牌叉燒」肥瘦適中幾好豬味🐷🤣；「金牌燒腩」外皮脆脆哋腩肉30%肥70%瘦🐷🤣；雞髀就梗係好食啦🤣

銅鑼灣都有出色嘅燒味，位於登龍街見佢門口細細，入到去原來都幾多位置，佢哋有好多套餐幾抵，叫咗個燒味三拼$138，有燒腩仔，半肥瘦叉燒及燒鵝，另外加$30轉咗燒鵝髀及$5轉瀬粉。叉燒半肥非常好食，肉質鬆軟，肉味香濃，油香剛剛好，面頭嘅蜜糖仲有少少桂花。燒腩仔做得好精緻，表皮夠香脆，點芥辣一流。燒鵝入口仲有些微暖，個外皮燒得好香脆，咬開啲肉汁會爆開，燒鵝醃料味道剛好，唔會死鹹。另外叫咗個一人套餐，可以雙拼包碟油菜同餐湯都係$80，上枱個油雞同埋豉油雞都好香滑，兩種雞都皮脆肉香，肉質幼嫩又有雞味。個例湯用料十足而湯浸娃娃菜味道都好清甜。餐廳嘅燒味食得出食材係新鮮貨唔係雪藏肉，所以肉味香濃又有肉汁，埋單$280咋，兩個人呢個價錢實在非常抵食！

見OpenRice有咁多好評，今日午餐路過試下。點知。。。燒鵝: 燒到黑色，肉質又乾又柴 ，其實唔應該攞比客食。🤢🤢🤢叉燒正常。呢個午餐雙拼飯收$65，得啲叉燒食得，唔合理。

銅鑼灣中心，價錢適中、貼地，食飯好味，唯獨是叉燒有點燶，但接受嘅，同埋最難得係有好態度有笑容嘅茶餐廳，（包括任何一個樓面）香港極極極極少有，要繼續保持!!!!!

走入登龍街的大壹燒鵝來個光速晚餐，最想食出名的燒鵝，晚上7時燒腩仔、貴妃雞已賣完。天氣太熱，來一杯龍鳳檸樂 $23 解渴消暑。大壹燒鵝滋味全餐 $80有老火靚湯、上湯浸娃娃菜，好腍又入味。雪耳煲豬骨湯，好甜夠滋潤。燒鵝，另加 $15轉鵝胸，外皮夠色水帶點脆口，皮下沒有肥膏，鵝胸肉質嫩滑多汁，啖啖肉很滿足。燒味雙拼例牌 $98，叉燒拼油雞，賣相好靚油雞脾肉質幼滑有雞味是燶邊肥叉燒，表面有麥芽糖香味，肥叉入口即溶，肉香加甜味，為晚餐劃上完美的句號。

銅鑼灣既中午都係比較難搵位，今日工作關係又黎到銅鑼灣，醒起最近無點食過燒味就專登行黎食番次！燒鵝雙拼都係做緊65蚊，已經係好平！我就叫左個燒鵝拼切雞飯。燒鵝比左鵝背，唔係好多肉，有d 可惜，但肉眼可見燒鵝皮真係好靚！鵝皮非常香脆！油脂好豐富再配搭上梅子醬，真係好正，肉比較少但都係嫩滑既，非常有水準！推介！濃郁既鵝香味，入口甜鹹，最岩係搭配白飯/瀨粉甘食！切雞相比之下比較失色，未有令我有好大既感覺。好在比既係雞胸位，肉好多，平衡番d 肉量👍 整體好滿意！

經openrice 外賣自取了一盒$60的燒鵝飯和＄68半隻豉油雞，唔知係咪師傅見到已經有半隻豉油雞，驚我哋食得太多肉🤣，所以俾啲咁嘅燒鵝我，大約五成骨，三成肉，兩成肥加皮…….由於真係冇乜肉食，所以好難話到比大家聽究竟係好食定唔好食😅😅😅本來拍咗條片會睇得清楚啲，但可惜只可以post相唔可以post片🤷🏻‍♀️🤷🏻‍♀️油雞味道同分量正常合理，以逢星期二做特價嘅價錢嚟買，性價比唔錯。

忙碌的一星期完結週五就好好對待自己的胃，燒味飯是香港特色，搜尋一下銅鑼灣，大壹燒鵝出色，可惜到了晚上，燒鵝已經售罄先喝一碗木瓜雞腳湯$10，木瓜同雞腳都煲到半溶，肉排依然有味，夠火喉燒味雙拼飯$60叉燒燻蹄雙拼飯，上檯時賣相加分，旁邊搭上炸菜，炸菜脆口有味數數叉燒有8舊，是燶邊半肥瘦叉燒，叉燒入口軟淋，蜜糖好香，甜度適中，剛剛恰到好處，連同白飯一起吃，一口接一口燻蹄有6 片，每一片都有厚度，外皮爽口，肉質腍滑， 沾上汁酸酸地，好開胃

18:00后的套餐可以双拼烧鹅腿+任意其他，还有菜有饭有汤，蛮合适的~最喜欢烧腩仔，皮脆肉香而不腻烧鹅也不错吃，鹅肉紧实贵妃鸡稍微有点普通，皮子蛮滑嫩，但肉感觉有些老整体还不错

是日燒味癮起，突然好想被燒鵝既油脂包裹下😂 就快快地甘黎左依間燒鵝店吃個快飯，因為係茶記peak hour, 搭檯都預左，但真係有d close😂 幾尷叫左個燒鵝油雞飯，仲比左鵝脾我，真係好彩！講番味道先，燒鵝肉質幾好，唔柴唔韌，韌，油脂豐富，加埋酸梅醬食真係正，酸酸甜甜又有滿咀既油脂，夠曬邪惡😍油雞相對就比較失色，首先醬香味唔夠，另外肉質都未夠嫩滑，差dd😉 整體都幾高質，可惜係油雞and 環境扣左分，太逼太趕，快食既話絕對可以一試😉👍

除咗燒鵝出名，其他燒味都好正！燒味單拼飯 - 叉燒 $60外層蜜汁恰到好處，叉燒半肥瘦，肉質鮮嫩，一定要配白飯！一人餐 - 燒味雙拼飯 - 燻蹄油雞 ，油菜，例湯 $80燻蹄帶咸香，入口即化，油雞皮脆肉嫩，兩款燒味完美融合，加上清新爽口的油菜及例湯，整份套餐吃來很是滿足。上庄燒鵝 (例牌) $148鵝肉肥瘦相間，肉質細膩鮮嫩，皮脆肉香，餐廳限量賣哂就收工，我地夜晚7點幾已經唔係剩好多份，要早少少黎食！凍檸檬茶 $8最後食左咁多肉要飲番杯凍檸茶去膩！

Went to this resto with my sis for dinner..I ordered Poached Chicken & Smoked Hoof with Rice. The smoked hoof was firm and gelatinous, with a slightly sweet taste. Dipping it in vinegar added a pleasant sourness. The poached chicken was tender and smooth. My sis got Kitchen One Roast Goose Rice. The roast goose had appetising pink and crispy skin. It was meaty and savoury..The portion was reasonable and the price was economical. The resto was generally neat. It was amusing to hear the staff kept