Video
Read full review
2024-07-24
6164 views
反轉印象的超值高質西餐🌟之前食過Amelia 兩次，俾我既感覺都係食唔飽又比較貴，$300 左右既Lunch有D 唔知食左D咩既感覺，本來已經排除左係我食飯既選擇範圍外 🤣最近突然不停見到佢既廣告，變左米芝蓮放題，餐牌望落都幾吸引，跟住落左餐廳訂位啦，佢話晚市既星期六日已經要一個月後了😅 果然香港人都係好鍾意自助餐！所以變左食Lunch ～！當日佢會問你揀Lunch Menu 定放題～？其實Lunch Menu都半放題了，最大分別係放題前菜多左青口同雞尾酒蝦任叫收，而主菜可以揀肉$298，但Lunch Menu都係$98 ~ $138 真係好抵，最終都係揀左Lunch Menu！$138 大廚招牌手打A4和牛漢堡扒配薯蓉蔬菜包埋前菜、沙律、餐湯無限添食！老實講和牛漢堡扒就唔係太夠味，擺碟亦一般，不過都夠肉汁，問左店員拎鹽，有D驚喜係俾雪花鹽，無將貨就價～羅宋湯就好足料；吞拿魚沙律同薯仔沙律都好好食，蕃茄沙律就覺得酸左少少！薯條係普通既薯條，不過黑松露醬好出色，雞翼都ＯＫ！全部都幾大碟，食完真係好飽，有機會想試埋個放題！不過門口位姐姐可能太多人訂檯啦，見佢兩次都黑黑地面😅 🏠店名：Ame
之前食過Amelia 兩次，俾我既感覺都係食唔飽又比較貴，$300 左右既Lunch有D 唔知食左D咩既感覺，本來已經排除左係我食飯既選擇範圍外 🤣
最近突然不停見到佢既廣告，變左米芝蓮放題，餐牌望落都幾吸引，跟住落左餐廳訂位啦，佢話晚市既星期六日已經要一個月後了😅 果然香港人都係好鍾意自助餐！所以變左食Lunch ～！
當日佢會問你揀Lunch Menu 定放題～？其實Lunch Menu都半放題了，最大分別係放題前菜多左青口同雞尾酒蝦任叫收，而主菜可以揀肉$298，但Lunch Menu都係$98 ~ $138 真係好抵，最終都係揀左Lunch Menu！
$138 大廚招牌手打A4和牛漢堡扒配薯蓉蔬菜
包埋前菜、沙律、餐湯無限添食！老實講和牛漢堡扒就唔係太夠味，擺碟亦一般，不過都夠肉汁，問左店員拎鹽，有D驚喜係俾雪花鹽，無將貨就價～
羅宋湯就好足料；吞拿魚沙律同薯仔沙律都好好食，蕃茄沙律就覺得酸左少少！薯條係普通既薯條，不過黑松露醬好出色，雞翼都ＯＫ！全部都幾大碟，食完真係好飽，有機會想試埋個放題！
不過門口位姐姐可能太多人訂檯啦，見佢兩次都黑黑地面😅
🏠店名：Amelia Hong Kong
🚘地址：尖沙咀廣東道3-27號海港城海運大廈地下G63號舖
Post
