Video
Read full review
2021-06-13
483 views
今日去左太子整d野，上網睇下附近有咩食。想食得無咁heavy，落雨濕濕又想食碗熱湯，咁岩就見到餃子店，係太子地道小店。平日夜晚都有唔少街坊排隊，咁應該唔會差得去邊，即刻排隊啦。最後都排左十五分鐘左右，排到熱一熱即刻要叫返枝野飲。呢度既飲品都係自家製入落個樽度，感覺無添加，而且配搭都幾養生，唔會太甜。兩個人叫左個小食拼盤share，呢度既招牌係秘製既滷水汁，色水夠但鹹味唔過分，最緊要係味道入哂食材入面！ 牛𦟌真係好腍滑，而且有好多舊好足料！雞腎就較為爽口，都唔會好大陣腎味。雞翼難得滷得入味之餘d皮唔會爛哂，仲係好飽滿，肉質都係嫩既。最後加埋兩個半邊溏心蛋，蛋黃漿住口果份rich既感覺好正估唔到煎餃先黎，煎到十分脆卜卜熱辣辣，金黃色得黎又唔會浸住油芝士雖然無拉到絲，但都食得到好濃郁綿密既芝士，加埋清甜粟米粒，呢個配搭一定要係食煎餃咖喱都係另一款一定要食煎先正既口味，用上印度黃咖喱粉，香口得黎帶微辣，加埋爽口椰菜粒同豬肉，非常惹味見住呀姐雙手不停淥餃，完全唔駛睇時間，因為已經淥得好熟手，睇隻餃變色已經知幾成熟，岩岩好唔會淥爛d餃皮。畢竟呢度既餃皮都唔算好厚，仲要摺咁多花，包咁多餡到隻隻飽滿，
最後都排左十五分鐘左右，排到熱一熱即刻要叫返枝野飲。呢度既飲品都係自家製入落個樽度，感覺無添加，而且配搭都幾養生，唔會太甜。
青檸蜜 ($10); 羅漢果甘草茶 ($10)
9 views
0 likes
0 comments
兩個人叫左個小食拼盤share，呢度既招牌係秘製既滷水汁，色水夠但鹹味唔過分，最緊要係味道入哂食材入面！
招牌秘汁拼盤
$45
27 views
0 likes
0 comments
牛𦟌真係好腍滑，而且有好多舊好足料！
雞腎就較為爽口，都唔會好大陣腎味。
雞翼難得滷得入味之餘d皮唔會爛哂，仲係好飽滿，肉質都係嫩既。
最後加埋兩個半邊溏心蛋，蛋黃漿住口果份rich既感覺好正
招牌秘汁拼盤
$45
19 views
1 likes
0 comments
估唔到煎餃先黎，煎到十分脆卜卜熱辣辣，金黃色得黎又唔會浸住油
芝士粟米鮮肉餃 ($42/7); 咖喱椰菜鮮肉餃 ($38/7)
23 views
0 likes
0 comments
芝士雖然無拉到絲，但都食得到好濃郁綿密既芝士，加埋清甜粟米粒，呢個配搭一定要係食煎餃
芝士粟米鮮肉餃
$42
10 views
0 likes
0 comments
咖喱都係另一款一定要食煎先正既口味，用上印度黃咖喱粉，香口得黎帶微辣，加埋爽口椰菜粒同豬肉，非常惹味
咖喱椰菜鮮肉餃
$38
21 views
0 likes
0 comments
見住呀姐雙手不停淥餃，完全唔駛睇時間，因為已經淥得好熟手，睇隻餃變色已經知幾成熟，岩岩好唔會淥爛d餃皮。畢竟呢度既餃皮都唔算好厚，仲要摺咁多花，包咁多餡到隻隻飽滿，自己返屋企淥好驚會淥爛
湯餃除左無咁熱氣之外，味道一d都唔輸蝕。因為呢度個湯底係自家製既椰子海帶鮮雞豬骨湯底，雖然湯面有少許雞油，但煲到咁白身又濃稠，就知係真材實料
紫甘藍粟米鮮肉餃 ($36/7); 韭菜鮮肉餃 ($36/7)
$36
11 views
0 likes
0 comments
紫甘藍姐係紫椰菜，切粒後放湯好腍，配埋爽脆既粟米口感好豐富。
紫甘藍粟米鮮肉餃
$36
16 views
0 likes
0 comments
韭菜就比平時食既切得長條d，大段d韭菜味道更重，菜同肉既比例都岩岩好。
韭菜鮮肉餃
$36
8 views
0 likes
0 comments
雖然係好辣既男友叫，但估唔到係我呢個唔係點食辣既人覺得麻辣好正 花椒既麻加埋少少香辣，充滿左係肉汁裡面，而白菜係呢個時候就充當住泡菜既角色，真心好食
麻辣白菜鮮肉餃
$39
17 views
0 likes
0 comments
香菇鮮肉餃都係呢度既招牌，冬菇香到咬開隻餃子第一啖已經聞到 因為無菜係個餡料既關係，肉質就比較實淨，有d似蒸肉餅既感覺啖啖肉。
香菇鮮肉餃
$42
8 views
1 likes
0 comments
本身諗住食少d carbs，所以淨係食餃子唔加麵；但係見到有咁多款口味又心思思想試多d，變左要七隻仲雙拼咁。最後一人食左十隻餃子，加埋拼盤同野飲，份量非常之夠，係街坊抵食之選
麻辣白菜鮮肉餃 ($39/7); 香菇鮮肉餃 ($42/7)
2 views
0 likes
0 comments
Post
