古今二 (The ONE)

Open Now

Now Closed

今日收工去左尖沙咀The ONE古今二食晚餐。古今二係一間日式居酒屋，主打特色創意卷物，之前黎試過午餐，價錢都經濟實惠。主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類，清酒同飲品。今晚好肚餓，叫左一款卷物，兩款串燒同一款沙律。日式麻醬豆腐沙律 $88 另加一日式麻醬豆腐沙律大大兜，首先面頭有四五磚豆腐，灑上黑白芝麻粒，仲驚喜地加左三文魚籽同蟹籽，加埋足夠胡麻醬，食落又香又滑，味道好好完全唔寡。下底就係爽口開胃海藻，一大兜新鮮爽口沙律雜菜同車厘茄，全部都加有足夠胡麻醬，好夠味。琦玉網燒牛舌 $78 另加一琦玉網燒牛舌一客4件，熱辣辣上枱，咬落去完全唔韌，口感彈牙，味道夠鹹，伴有椰菜絲沙律可解膩同減鹹度。另外仲有酸汁可平衡鹹味。野菜天婦羅 $78 另加一野菜天婦羅好大份，熱辣辣炸起，炸皮薄脆。紫薯3件一口一件，又甜又腍。冬菇1件好香菇味。金菇超大件，食到我成面都係，非常脆口。茄子兩件就正常。伴有白蘿蔔蓉。天婦羅汁另外上。火山 $128 另加一呢個火山放喺一隻放有火石嘅木板上面，外圍滿佈火石，服務員上枱後就點火，然後呢道火山就變咗真正既火山，坐我附近既