Video
Read full review
2024-02-01
136 views
呢間灣仔嘅人氣潮州打冷🔥，晚市時段嚟，冇訂枱基本冇位坐，今次搵日專程嚟試一試佢！佢嘅菜式擺盤都幾精緻，滷水鵝、湯羹、涼菜、鮑參翅肚、小炒類都有，款式都唔少，每道菜都色香味俱全，而且份量都幾足，價錢就豐儉由人！------------------------------🪿◖滷水鵝肉◗ $138叫咗一個例牌，鵝肉色水好靚，份量大概有一隻髀多啲，下面仲墊咗啲滷水豆腐。鵝肉口感幾爽脆，而且滷水夠入味；滷水豆腐豆味幾香，外皮煙煙韌韌咁，整體發揮唔錯，絕對值呢個價錢！🪿◖鵝頭頸◗ $118切成一嚿嚿，主要食佢啲皮，好滑溜又香又入味，同樣都有豆腐墊底，但就冇咩鵝肉可以食～幾適合食吓啲滷水味同埋滑捋捋嘅鵝皮，唔會黐住太多脂肪，滿滿嘅骨膠原～🐟◖凍食馬友魚◗ $238潮州菜一定要試凍魚，呢條凍馬友魚已經去咗骨切成一件件，外皮超彈，點上普寧豆醬，鹹香鹹香更加帶出魚嘅鮮味！🥣◖富果甜芋泥◗ $48呢個芋泥煮得杰撻撻，口感好綿密好滑，雖然味道甜咗少少，但都食到停唔到口，好似食緊暖笠笠嘅雪糕咁！🌟 Encore指數：9.2/10
------------------------------
🪿◖滷水鵝肉◗ $138
叫咗一個例牌，鵝肉色水好靚，份量大概有一隻髀多啲，下面仲墊咗啲滷水豆腐。鵝肉口感幾爽脆，而且滷水夠入味；滷水豆腐豆味幾香，外皮煙煙韌韌咁，整體發揮唔錯，絕對值呢個價錢！
🪿◖鵝頭頸◗ $118
切成一嚿嚿，主要食佢啲皮，好滑溜又香又入味，同樣都有豆腐墊底，但就冇咩鵝肉可以食～幾適合食吓啲滷水味同埋滑捋捋嘅鵝皮，唔會黐住太多脂肪，滿滿嘅骨膠原～
🐟◖凍食馬友魚◗ $238
潮州菜一定要試凍魚，呢條凍馬友魚已經去咗骨切成一件件，外皮超彈，點上普寧豆醬，鹹香鹹香更加帶出魚嘅鮮味！
🥣◖富果甜芋泥◗ $48
呢個芋泥煮得杰撻撻，口感好綿密好滑，雖然味道甜咗少少，但都食到停唔到口，好似食緊暖笠笠嘅雪糕咁！
🌟 Encore指數：9.2/10
Post
