Video
Read full review
2018-08-14
70 views
中菜食得多，第一次經朋友介紹食正宗北京菜—北京老家，位於灣條合和中心。門面裝修好有氣派，而且古色古香，好有味道。上至餐廳名，下至餐具，或是係擺設，全部好用心，令人好陶醉於其中。服務員好細心介紹我地特色食物，所以我地好期待。其中涼菜—老家心靈美，聽個菜名好有詩意，原來係老闆北京自家農場種既紅心蘿蔔，味道有啲似紅菜頭，清清地好爽口，亦開脾開胃。食得北京菜，點可以少左北京填鴨，半隻份量可以卷到至少八卷。將燒到皮脆肉嫩，加上青瓜同大蒜，秘制醬汁包埋一齊，放入口，感受個種脆，嫩，香既細膩口感。燒排骨架除有有南乳香味外，仲有酸甜感，而且炆到好腍好入味，送飯一流之餘又冇油膩感。連續兩碟肉，再來係老家柚子魚，成條桂花魚師傳用超好刀功起肉炸，之後淋上柚子汁。柚子一黎令魚更清新，二黎又去左油膩感，加上火候控制岩好，魚肉嫩滑，啖啖肉，冇咩骨，大人小朋友都好岩食。食到一半見到有位老師傅即場拉緊麵，原來全部麵類都係師傅即拉即煮，忍唔住叫左碗擔擔麵試下。麵身好彈牙，味道亦香。高力豆沙包不過不失，略嫌豆沙比較少。呢間北京老家，環境一流，又坐得舒適，食物又好味，好岩一家大細或者朋友聚會。
服務員好細心介紹我地特色食物，所以我地好期待。其中涼菜—老家心靈美，聽個菜名好有詩意，原來係老闆北京自家農場種既紅心蘿蔔，味道有啲似紅菜頭，清清地好爽口，亦開脾開胃。
食得北京菜，點可以少左北京填鴨，半隻份量可以卷到至少八卷。將燒到皮脆肉嫩，加上青瓜同大蒜，秘制醬汁包埋一齊，放入口，感受個種脆，嫩，香既細膩口感。燒排骨架除有有南乳香味外，仲有酸甜感，而且炆到好腍好入味，送飯一流之餘又冇油膩感。
連續兩碟肉，再來係老家柚子魚，成條桂花魚師傳用超好刀功起肉炸，之後淋上柚子汁。柚子一黎令魚更清新，二黎又去左油膩感，加上火候控制岩好，魚肉嫩滑，啖啖肉，冇咩骨，大人小朋友都好岩食。
食到一半見到有位老師傅即場拉緊麵，原來全部麵類都係師傅即拉即煮，忍唔住叫左碗擔擔麵試下。麵身好彈牙，味道亦香。高力豆沙包不過不失，略嫌豆沙比較少。
呢間北京老家，環境一流，又坐得舒適，食物又好味，好岩一家大細或者朋友聚會。
Post
