永香冰室

Open Now

Now Closed

舊式的冰室，在現今的社會，真係買少見少了；來這裡食，只為回味一舊日的足蹟，對食物的要求只是其次。未入店鋪，看見外貌，已被它深深吸引住了；但一入到去，就傳來好大陣的貓味，在食店來說，真係唔多要得。看到用手寫的menu，在今時今日，真係還有幾多間還有這樣的menu呢！我們只叫了兩杯奶茶和一件鮮油多士，因是即叫即做，所以都等了好一段時間。奶茶- 一來看見到隻杯，就知飽經風霜了；說回杯茶，茶味很淡，奶味又唔夠，很淡口。鮮油多士- 多士烘得幾脆口，但唔知點解會唔熱的，牛油就太少，而且完全溶了。鮮油多？雖然食物只是好普通，但坐在這古舊的食店，感覺就是很特別，好像食物都變得好味了點，真新奇！