TERA (寶發大廈)

Open Now

Now Closed

又話香港食肆環境差，呢間餐廳keep住都有人入黎同小小排隊，根本上唔book好似無得食咁 。 因為今日約左朋友傾野，原本諗住搵間坐得舒服，方便飲杯野食下甜品慢慢傾，點知入到黎先知得1個鐘食用時間。好啦，無辦法就唯有照叫野食，但等個意粉都等左15分鐘，就問佢一小時係上菜計定入坐開始計，佢答我入座計，咁啲野食又咁遲，咁我地米食得好趕？佢就答無辦法。。。 啲服務態度真係麻麻佢個甜品menu本身都寫左要20分鐘，所以一早叫咗，話食完意粉上，跟住因為得1個鐘，最後根本都無理我食完個意粉未就上左個甜品😟講番食物先，個腰果煙三文魚青醬意粉，有啲油膩，無乜特別，亦無乜腰果 。之後叫左原味pancake, 賣相好吸引🤩 空氣感好重，一吉就無，一食落口就溶，就算飽住食佢都無乜問題，係幾好味嘅 。