名門私房菜 (Moved) New Location

有同事要走，老闆提意黎呢度 farewell。Lunch 大部份人都係附近返工，所以我地都一早訂位同落單。十幾個人叫左大約八九個餸，其中令我有印象係以下幾個。鮑汁鵝掌：因為用左四個小菜去換呢個餸，所以好大煲，味道 ok，唔會太咸，鵝掌夠冧，不過個汁唔夠杰，好水，好似湯咁，味道唔突出，唔講唔覺係鮑汁。家鄉釀鯪魚：鯪魚肉再釀返入魚皮去炸，真係好有心機。魚肉幾彈牙，個皮都幾脆，不過個豆豉汁濃左 d，細條，成枱人一人一舊都冇。蘿蔔牛腩：個湯好清，蘿蔔入味，唔洗咬都食到，牛腩有 d 牛騷味，好香好正，但有少少 un。魚香茄子煲：唔夠魚香，無咩咸魚的香味，都揾唔到魚肉的蹤影，d 茄子吸滿油之餘仲有層油包住……沙爹海蝦粉絲：幾好味…但唔夠辣，沙爹都唔夠香，海蝦好細隻，味道強 d先似食沙爹架嘛﹗總括食物味道唔錯，但價錢略貴 (lunch 毎人一定要叫一個餸，即位位 $85)，收咁既價兼叫私房菜黎講，就令人有少少失望。