Video
Read full review
2022-11-21
378 views
話咁快又就黎到聖誕！九龍香格里拉酒店聯乘瑞士護膚品牌GLYCEL推出聖誕限定嘅下午茶！鹹甜點均加入冬日時令食材，嘆完人均$344嘅下午茶，仲有價值$2466護膚品、補濕療程、面膜換領卡！可以話係物超所值Lobby Lounge樓底唔算好高，但用餐環境都幾舒適~ 窗邊位採光十足 景觀開揚，坐係大大張梳化椅 聽住live band都幾嘆🌬 鹹甜點味道都比想像中好！想嘆下港女下午茶呢到絕對係一個好選擇！「紅絲絨濃情聖誕」下午茶 $388/位 $688/兩位**供應至2023年1月1日♠️ 𝐒𝐚𝐯𝐨𝐮𝐫𝐢𝐞𝐬 ♠️🌛鴨肝醬配開心果酥🌛鮮龍蝦配牛油果醬及魚子醬🌛冬季黑松露烤火雞卷🌛自家製煙三文魚配蕎麥班戟四款鹹點味道都唔錯喎！調味恰到好處！鴨肝醬軟滑濃郁，多士香脆，唯獨無乜開心果味。鮮龍蝦細細粒 鮮味唔算好突岀，但加埋爽口洋蔥、西芹，入口清新，唔會好似平時個時好重沙律醬味，仲有魚子醬點綴。烤火雞卷 黑松露香氣濃郁，不失肉味，卷濕潤軟熟，整個濕潤程度剛好。自家製煙三文魚色澤比起平時嘅pink啲，滑身唔腍，魚味濃郁，底下嘅班戟軟綿 唔會太乾。— — — — — — — — — — — — —
Lobby Lounge樓底唔算好高，但用餐環境都幾舒適~ 窗邊位採光十足 景觀開揚，坐係大大張梳化椅 聽住live band都幾嘆🌬 鹹甜點味道都比想像中好！想嘆下港女下午茶呢到絕對係一個好選擇！
「紅絲絨濃情聖誕」下午茶 $388/位 $688/兩位
**供應至2023年1月1日
♠️ 𝐒𝐚𝐯𝐨𝐮𝐫𝐢𝐞𝐬 ♠️
🌛鴨肝醬配開心果酥
🌛鮮龍蝦配牛油果醬及魚子醬
🌛冬季黑松露烤火雞卷
🌛自家製煙三文魚配蕎麥班戟
四款鹹點味道都唔錯喎！調味恰到好處！
鴨肝醬軟滑濃郁，多士香脆，唯獨無乜開心果味。
鮮龍蝦細細粒 鮮味唔算好突岀，但加埋爽口洋蔥、西芹，入口清新，唔會好似平時個時好重沙律醬味，仲有魚子醬點綴。
烤火雞卷 黑松露香氣濃郁，不失肉味，卷濕潤軟熟，整個濕潤程度剛好。
自家製煙三文魚色澤比起平時嘅pink啲，滑身唔腍，魚味濃郁，底下嘅班戟軟綿 唔會太乾。
— — — — — — — — — — — — — ⠀⠀
♠️ 𝐒𝐰𝐞𝐞𝐭𝐬 ♠️
🌜黑森林蛋糕
🌜栗子香橙拿破崙
🌜聖誕紅酒奶凍
🌜意大利朱古力芝士泡芙
估唔到聖誕主題嘅甜品又幾岩口味~
黑森林蛋榚 唔係好似平時嘅黑森林，反而似質感厚滑、好濃黑朱古力味嘅mousse?!，餅底更帶微鹹同微苦嘅朱古力幾夾~
拿破崙 酥脆富層次！粟子蓉稠滑，略嫌甜度偏高。
泡芙皮薄餡多，即使外皮唔香脆都唔太影響口感。泡芙擠滿軟滑嘅cream，食晒成個都無想像中咁甜膩
奶凍好滑溜，但奶香偏淡甜度較高，整體酒味唔算好重，普通~
— — — — — — — — — — — — — ⠀⠀
♠️ 𝐒𝐜𝐨𝐧𝐞𝐬 ♠️
原味鬆餅及提子鬆餅 配自家製果醬及忌廉
鬆餅相對失色，唔太鬆化。提子鬆餅外層偏乾偏硬脆，內𥚃濕潤唔黏口。原味外層相對無咁硬，但就比較黏口。
♠️ 𝐅𝐫𝐮𝐢𝐭 𝐩𝐥𝐚𝐭𝐭𝐞𝐫 ♠️
有多款生果：西瓜、哈蜜瓜、蜜瓜、菠蘿、西瓜、藍莓、士多啤梨、紅桑子。
♠️ 𝐃𝐫𝐢𝐧𝐤𝐬 ♠️
精選茶品或咖啡
Post
