Video
Read full review
2015-09-14
1151 views
尋晚同老公o係顯徑游完水, o係附近搵野食.......見到顯徑街旁邊燈火好猛, 有好多間食肆...第一次黎食野, 梗係揀間最多人最熱鬧o既黎試...驚中伏ma...呢道係自己搵位o既, 有位就埋去坐...我地行行企企都等左15分鐘左右...算快架啦~~之後諗左一段時間食咩, 因為我地坐舖頭入面, o係正廚房出菜位...見到d 野食出出入入, 心大心細~ 不過我好想食蠔餅, 所以叫左一個中size $88~潮州野就當然會諗起滷水...其實我有d 係唔食o既, 豬耳、豬頭肉果d ...不過老公話第一次黎就咩都試...所最後叫左一個滷水拼盤$228 (定$288??? ) ~第一樣黎o既係蠔餅, 一等就等左半個鐘.......明o既, 真係車水馬龍...~蠔餅好多蠔, 隻隻漲卜卜, 好鮮甜...麵粉唔會過多, 仲炸到好香脆...唔會太多蔥同莞茜...我唔食o既, 亦唔會好油淋淋~ 由於好大塊, 食完飽左4成~之後再等半個鐘先上滷水拼盤~ 落單果陣靚姐都提我地個拼盤好大個, 問我地係咪真係食得晒~老公堅決要試, 最多打包.......滷水拼盤有: 花生、大豆芽、豆腐、紅腸、豬肉、鵝肉(鵝脾)
見到顯徑街旁邊燈火好猛, 有好多間食肆...
第一次黎食野, 梗係揀間最多人最熱鬧o既黎試...驚中伏ma...
呢道係自己搵位o既, 有位就埋去坐...
我地行行企企都等左15分鐘左右...算快架啦~~
之後諗左一段時間食咩, 因為我地坐舖頭入面, o係正廚房出菜位...
見到d 野食出出入入, 心大心細~
不過我好想食蠔餅, 所以叫左一個中size $88~
潮州野就當然會諗起滷水...
其實我有d 係唔食o既, 豬耳、豬頭肉果d ...不過老公話第一次黎就咩都試...
所最後叫左一個滷水拼盤$228 (定$288??? ) ~
第一樣黎o既係蠔餅, 一等就等左半個鐘.......明o既, 真係車水馬龍...~
蠔餅好多蠔, 隻隻漲卜卜, 好鮮甜...麵粉唔會過多, 仲炸到好香脆...唔會太多蔥同莞茜...我唔食o既, 亦唔會好油淋淋~ 由於好大塊, 食完飽左4成~
之後再等半個鐘先上滷水拼盤~ 落單果陣靚姐都提我地個拼盤好大個, 問我地係咪真係食得晒~
老公堅決要試, 最多打包.......
滷水拼盤有: 花生、大豆芽、豆腐、紅腸、豬肉、鵝肉(鵝脾)、生腸、豬耳、豬頭肉、豬腸...冇漏啦掛~~ 我除左豬耳、豬頭肉冇食之外, 其他都有食~ 不過生腸好得人驚~
佢無染成橙色, 但佢剪開白烚, 剪開整熱會反開見到腸入面...一粒粒生瘡咁好嘔心...所以勉強試左一舊就算, 沾左滷水汁都係冇味o既~ 滷水汁好香香料味, 不過我嫌唔夠濃~ 食滷水一定要拼辣椒白醋, 佢加左蒜頭, 好味但甜左d, 唔夠酸~ 下次未必再叫啦...
雖然兩樣野都貴, 但份量多...適合一家大細黎食~
最後滷水拼盤食淨1/3, 打包~
呢間打冷出名傳統潮州美食, 仲有好多未試, 例如烏頭(呢間最出名), 糖醋麵等等...
所以試左兩樣好難下判斷..........都值得再去試清楚d ~
不過你要好得閒、時間多先好去食.......等半個鐘一味餸好訓練耐性~
我地隔離枱一早食完差碟炒芥蘭未黎, 催一次話多人一定要排隊, 催兩次話係要等下整緊, 催三次先有人肯問廚房有冇單係炒芥蘭, 最後發現係冇先即刻整~ (講緊有至少20分鐘)
我地碟滷水問催左兩次, 頭一次又係話要排隊, 到我等左差唔多半個鐘再問仲有幾多個到我地, 佢答'仲有好多個' .......等到無癮o既情況下食...一定會減d 分~
亦有客係等唔切d 餸最後cancel 埋單...但侍應好快手, 好似見慣見熟咁幫個客cancel...理得你~
如果有機會都會再黎食, 但未必會好特登去~
Post