炳記 (Closed)

上次試過炆班尾好差後諗住唔再黎，但係朋友提議黎呢到飯局，即管試多一次啦。今次幾乎叫了所有招牌菜，包括八寶鴨（要訂）、糯米雞、焗魚腸、臘味煲仔飯、杏汁豬肺湯等等，別外叫了一些小菜。我自己唔係太鐘意食鴨，但係都覺得八寶鴨唔錯，鴨身炆到好軟熟，裡面Ｄ餡好豐富同入味，我都唔記得晒有Ｄ乜，剩係記得有蓮子、栗子、江瑤柱。糯米雞好heavy，但係Ｄ糯米索晒味，正；但雞就稍嫌鞋口。杏汁豬肺湯Ｄ杏仁磨得唔夠幼，豬肺幾好幾淋身，點Ｄ豉油已經好好味。焗魚腸稍為苦一Ｄ，火侯差少少，但Ｄ蛋就仍然好嫩。全晚最正既就係煲仔飯，個個都食二碗以上，包括平時唔多食飯既我。飯粒吸收左臘味Ｄ油，再淋少少豉油，勁好食！而且份量十足，六人用既八個人都食唔晒。今次食物水準幾好，對呢度重拾信心。不過以鋪頭仔黎講呢度都算貴，平均要＄１５０一個人。