石一燒 (九龍城) (Closed)

香港人生活急速，真係好需要慢活既時候。好少餐廳晚市會唔限時俾你慢慢食，今晚我地就要享受慢活慢慢食！😌呢間石一燒有兩間分店，今晚我地黎九龍城呢間。佢有好多款套餐，店員都好熱情同我地介紹，我地今日兩個人叫左個最basic既尊上之二人前 （$598），套餐內容都好豐富: 🔶️沙律呢個沙律好大碟，個碟又好靚！仲要一啲都唔馬虎，中間加左海帶，好有咬口，好有層次。🔶️櫻花蝦味噌湯驚喜！中意！勁多櫻花蝦浮面，飲落好有鮮味！🔶️前菜三品佢好有心意排左順序＜甜＞＜酸＞＜辣＞三品，分別係炸魷魚，菇菇同埋豆腐。三個前品都十分高質，炸魷魚有海苔喺炸漿入面，好有海苔味好特別！菇菇酸酸味味咁，好開胃！最後豆腐咬落口感特別，挺身又有一絲絲既紋路，上面配埋唐幸子，好有驚喜，中意！主角三款燒肉出場，塊岩石超級熱！好開心☺️🔶️日本佐賀縣名水豚豬梅肉🔶️美國頂級（Prime)牛小排🔶️英國羊西冷（皇室御用級別）最中意係個牛小排，脂肪比例均勻，食落好有牛味。另外羊西冷都唔係度度地方食到，好名貴既食材。🔶️菇盛會好多菇，好多洋蔥，好多菜！食材都好新鮮，洋蔥好甜。可以平衡食肉既罪疚感😈🔶️飯素有飯！我中意☺️米飯好綿好好味，我食哂成碗！🔶️日式甜品