苑記粉麵茶餐廳

Open Now

Now Closed

昌運苑記真係由細食到大，印象中好似裝修過兩三次。通常黎到都係食牛雜麵/筋腩河/白灼黑柏葉/爽滑魚皮/煲仔飯，大概都係以上呢堆野，視乎情況再加支啤酒咁啦。聽講炒野同碟頭飯都幾好食，但係唔知點解咁多年都無試過。今次就叫左牛雜麵。 牛雜黎講喺大埔應該都算數一數二，好多時夜晚九點幾十點後先食野嘅話都會過黎，因為附近好多餐廳都差唔多閂門，所以就簡單食碗麵，又費事食得咁趕。每次過黎食牛雜麵都覺得水準好穩定，牛雜無怪味，因為食過其他地方有啲係怪怪地，唔知係唔新鮮定係洗得唔乾淨。 苑記嘅牛雜麵係好食嘅。