苑記粉麵茶餐廳

Open Now

Now Closed

食麵嗰日，係農曆嘅日子「龍抬頭」，嗰一日一定要食水餃麵，喺大埔搵咗四間粉麵舖都冇水餃賣，正想放棄嘅時候俾我諗起呢間粉面舖。入到去第一時間問佢有冇水餃，佢話有超感動。個水餃都幾足料，啲蝦肉都幾爽，皮都唔算太厚。牛腩就冇嗌咩特別嘅部位，不過就瘦咗少少。個腩汁湯底係正常嘅，同埋啲麵都幾彈呀。比較遜色少少嘅話就係個炸魚皮望落去好大塊，但咬落去有啲韌同埋硬，唔夠薄脆，但係今日個主角係水餃麵，所以如果個魚皮可以好食啲嘅話就會錦上添花。好好惜佢浸完湯都係勁硬，下次同區要食水餃麵，可以考慮下。

宵夜時段試咗呢一間粉麵店，麻麻哋，最失敗係牛筋炆得唔夠淋。$39嘅牛筋米嘅牛筋唔淋兼唔係好入味，失望。牛筋牛腩粗麵就好彩啲牛腩好食，否則就白費了$47。淨雲吞唔錯，比想像中大碗，雲吞入面嘅蝦又新鮮又大粒，$35都真係幾抵食。芥蘭全走好新鮮好好味。

嚟到呢間食肆，首畀是單畀嘅炸雞魚餅驚喜到我，平平無奇嘅外表下，竟然藏有咁嘅彈牙爽口。啲外皮炸到金黃色，啲魚肉入面鮮嫩多汁，啖啖肉感，酥香嘅感覺氹我停唔到口🤤。再講番啲蜜糖豬手，塊塊豬手肉質滑溜，紮實又唔肥膩，伴隔雜蜜糖嘅香甜，真係夠晒回甘！攞起碗嚟嘅炒牛河，條條河粉滑溜得嚟唔失咁滋潤，牛肉咬落去微微嘅焦香令人滿足。喺這裡食嘢，唔只係填填肚子咁簡單，感覺上好似嚟咗一場味覺嘅樂園，每道菜都帶嚟唔同層次嘅美味。仲有，我超鍾意佢哋嗰啲椰汁紅豆冰，糖度啱啱好，加上冰冰涼，解渣又消暑，真係食完飯後嘅完美Ending！🍨食嚟食去，係呢間食肆可以話係物超所值，無論係想搵番童年記憶，定係想試下新鮮口味，佢哋總有方法滿足到你。之後再過嚟，我都會記得叫嗰碟切仔面，想念佢哋口感強勁、鬼馬創意嘅滋味。这家店嘅小食同主飯一樣出彩，你話，點可以唔心動？😋

寒冷嘅天氣底下，大家都會想食返啲暖笠笠嘅食物暖下身，呢個時候最好就係食煲仔飯。餐廳開業多年，早上就係一般嘅茶餐廳粉麵檔，夜晚就有熱辣辣嘅煲仔飯，啱晒冬天過嚟食。煲仔飯有多個選擇，即叫即煲，所以等嘅時間相對比較耐。蠟鴨滑雞煲仔飯，點鐘多過半小時後上菜，可能當天客人比較多，差唔多嗰個都係食煲仔飯，所以準備時間比較耐。雞件大細適中，生熟程度剛剛好，蠟鴨就正常發揮，飯底有飯焦，加埋煲仔飯專用甜豉油就味道適中。等嘅時候點咗奶油多，烘底香脆，花生醬剛剛好。

🍜嘗鮮於舌尖，港式美味我最熟悉！今次行到這家店，禁不住要來一碗他們招牌嘅牛雜麵。湯底濃郁嘅同時帶點家常味，每一啖牛雜都滿足到我嗰種對街邊小食嘅渴望。尤其係牛腩，夠晒腍夠晒香，真系喺口中化開嚟，一啲都唔膩。甜品揀咗個爽滑嘅魚皮，真系滑得出奇！同平時食嘅唔同，佢哋嘅魚皮有種細緻嘅嚼勁，配上微辣嘅食材，係夜晚嚟點評，唔夠晒窩心。煲仔飯方面，每粒米飯都飽滿喺砂鍋嘅溫熱中吸滿咗汁水，底層嘅焦香米更加系癮頭到停唔到口。而家嘅我，正享受住滿足嘅口感同那份濃厚嘅地道風味。生活中有時簡單嘅一餐，就能帶來嘅快樂。🥢🔥適逢家門口露面，正正好貼地嘅好味道，真系令人回味無窮！

大埔可以食煲仔飯嘅地方唔多，陳漢記轉手之後無食過，魚滑又無埋，而家多數都係食苑記。如果唔係食煲仔飯，平時真係宵夜時間先會考慮苑記。純粹因為苑記開得比較夜同埋方便又幾好食咁啫，時間尚早嘅話可以食下其他嘢。 🍲臘鴨髀白鱔煲仔飯🍚唔知幾時開始食煲仔飯就必叫臘鴨髀，之後再拼其他野，多數係免牛，拼白鱔都係第一次。臘鴨髀同白鱔嘅油香滲落白飯，豉油都可以落少啲。 另外加碟爽滑魚皮，重點係要配埋辣椒豉油（加少少薑絲同蔥）同啤酒。 我唔明點解有人會話煲仔飯無飯焦，我每次食都有，可能佢唔好彩啦。

大埔夜晚🕘九點後都可能仲有少少選擇，好多餐廳都仲未last order，但係🕙十點後就真係開始買少見少。而呢個時間，好多時我都會去苑記，可能食碗麵，可能食碗粥，又可能食煲仔飯。今次就叫左白灼黑柏葉。 白灼系列有好多，白灼鵝腸、白灼牛腩等等。白灼黑柏葉都係我其中一個飛佛。食牛柏葉識食一定係食黑柏葉，無經過漂白處理。 重點係個辣豉油，我會放少少薑絲蔥花喺自己個碗或者放落去辣豉油，辣辣地好惹味，再開支🍺啤酒真係一絕。 宵夜時間食少少野，飲返兩杯，爽。

昌運苑記真係由細食到大，印象中好似裝修過兩三次。通常黎到都係食牛雜麵/筋腩河/白灼黑柏葉/爽滑魚皮/煲仔飯，大概都係以上呢堆野，視乎情況再加支啤酒咁啦。聽講炒野同碟頭飯都幾好食，但係唔知點解咁多年都無試過。今次就叫左牛雜麵。 牛雜黎講喺大埔應該都算數一數二，好多時夜晚九點幾十點後先食野嘅話都會過黎，因為附近好多餐廳都差唔多閂門，所以就簡單食碗麵，又費事食得咁趕。每次過黎食牛雜麵都覺得水準好穩定，牛雜無怪味，因為食過其他地方有啲係怪怪地，唔知係唔新鮮定係洗得唔乾淨。 苑記嘅牛雜麵係好食嘅。

天氣持續寒冷，體重就會持續上升，今晚食煲仔飯暖一暖個身。呢間舖頭嘅煲仔飯主要分三個價錢，普通最平嘅$66一煲，雙拼又或者有黃鱔嘅就$79一煲，如果有白鱔嘅煲仔飯就會再貴啲。我今晚就揀咗黃鱔排骨煲，就揀咗黃鱔排骨煲，唔知係咪天氣凍個個都嗌煲仔飯，所以今晚個煲仔飯嘅飯焦係零，真係太令人傷心，食煲仔飯無飯焦就等於冇食過煲仔飯一樣，不過呢間嘢嘅煲仔飯都有好處嘅，第一佢啲煲真係好新淨，唔會有千年跡，第二就係佢啲餸都好多，唔會飯多過餸，希望下次去嘅時候可以有返飯焦啦。

同朋友踩完單車行過搵野食見到幾就腳就入左去食飯點知就中哂伏，無錯，無中哂伏，絕對無誇張食左世界上最難食既炒飯，沒有之一叫左個揚州炒飯，好濕，明顯無用隔夜飯咁大個仔，第一次食炒飯係咁濕小學生都知道炒飯係一定要用隔夜飯，如果無隔夜飯就唔好提供炒飯比客人失敗，失敗之中既失敗同阿姐反映炒飯好濕，好明顯無用隔夜飯，比佢鬧番轉頭，今時今日咁既服務態度，請自求多福服務態度極差，不會再去，免費都不會考慮大家如果中意食濕既炒飯可以去試下

以往在葵涌附近上學，學校附近都有間苑記，印象中比較遠，但是那些粉麵都沒有那麼差。🤔有次，沒有想到什麼特別東西要吃，於是就走來買碗麵，這兒的牛腩麵，麵條還算正常但是牛腩，以這些牛雜粉麵舖來說，牛腩又碎，碎到細細粒細細粒的樣子，肥膏又多，你看，匙羹上面可以承載到滿滿的肥膏，其實如何吃。比起人家的店舖，例如半肥瘦，或是鴻發牛雜，那些牛腩半肥瘦，一口內又有脂肪又有瘦肉好味得多，反而苑記的，肥膏肥得很，瘦肉又瘦到滿口癡牙，一點都不好吃。如果作為牛雜牛腩粉麵專家，你給我這碗滿是碎牛腩的牛腩麵，其實感覺非常差。收銀那個女士，不知是老闆娘還是店員，落單時候還問我要不要喝東西，我答了要杯鴛鴦走，還以為一碗麵加熱飲，頂多都是30多$40 ，起了竟是$48 。將近$50吃了一碗份量不多，而且牛肉有說，還要是脂肪比較多的垃圾級牛腩麵，遠既，永久Blacklist。

路過見到下午茶奶油豬$28，諗住買個嚟食，點知買單好雜亂，個阿姐初頭收我30蚊，咁另一個阿叔又話收32蚊，咁我俾咗32蚊俾佢之後，問佢係咪凍飲加四蚊？啊姐又唔清唔楚咁樣，另一個阿姐即刻搭咀話$29，然後先頭個阿叔又行過嚟話要收多我一蚊因為奶油豬要用個盒裝住，我覺得好奇怪喔，點解奶油豬唔係俾開紙袋裝噶咩，點解又話要我俾多一蚊俾個盒裝啊？咁咁樣亂咁黎我唔會在幫襯咯！！真係不知所謂到極致，可能就係香港茶餐廳精髓哈哈

在2019年5月19日星期日，2018/2019香港丙組聯賽第二十六輪，自己的球會葛士寶朋友🧡💙☝🙌對龍門體育會💙💗🖤🥅。龍門SC是香港超級聯賽球會傑志SC💙💗🕊的C隊，當天以2:0擊敗對方。賽後來到每一个季常常會光顧的地點一同下午茶。當天我們一同order自己的下午茶，我order了魚蛋牛腩米粉，魚蛋很彈牙，而且很爽口。牛腩咀嚼了一下很鮮甜，而且不會太過堅韌及結實。菜芯很爽脆，而且很新鮮，米粉的份量非常充足。

在大埔找午餐吃，想吃得清淡一點，超級城裡面的餐廳又太多人在等位，行行下行到這間粉麵店，剛好有位，就進去試試看。我點了一碗水餃麵，男友點了一碗雲呑米粉，再加一碟油菜。我們正討論著其實水餃和雲吞有什麼分別呢？好像都是差不多的東西😅首先來了個蠔油菜心，忘記了要求蠔油另上。之後兩個麵就來了，原來水餃比雲吞大隻很多，足足大兩倍，所以只有三大粒，而雲呑則有5粒。雲吞主要是蝦及豬肉，而水餃再多了木耳絲等等，爽口又彈牙👍

身邊總有不少邪惡的朋友，往往令你食左不少邪惡高脂肪的食物，奈何每次也是受不住引誘！hahahaha😆😆今次下午茶就點了十分罪惡的選擇！連自己也覺得有點過份！炸雞脾併炸薯條～雞脾新鮮炸起，十分熱辣辣，粉醬不會過厚，雞肉還保持到嫩滑，很juicy!不會過火很乾及老！ 但因為始終是油炸食物，總有一點油膩感！另外，粗薯條也是我的最愛，亦是新鮮炸起，但油膩感就比雞脾重了！凍檸茶～剛好可以中和油膩感，茶味okay,不會有苦澀味！穩陣的選擇！