八沢 (杏花新城) (Closed)

路過呢一間日本料理，先發現自己同同事好肚餓，做嘢做到晏就飯都未食🫠，望吓時間原來已經兩點幾，咁我哋最後決定都係去醫飽個肚之後先去繼續工作，望晒成個餐牌，最吸引我嘅係自己最喜歡嘅黑松露產物，所以我就帶咗一個黑松露忌廉海鮮烏冬俾自己😝，同行的同事就嗌咗一個日式滑蛋叉燒飯，諗諗吓咁肚餓都好似唔夠食，我哋又再追加左一個吉列炸蠔拼明太子雞翼作為一個小食。好快食物就嚟到啦，黑松露忌廉海鮮烏冬一嚟到，見到滿滿嘅忌廉完全覆蓋烏冬，有幾篇三文魚同埋大大粒帶子鋪咗喺烏冬麵嘅上面，見到一刻忍唔住即刻食下先！😆食落口，烏冬因為有忌廉汁包裹嘅關係超香滑，另外三文魚肉質唔錯唔會好鞋口，不錯。同事嘅日式滑蛋叉燒飯，話明係日式當然唔係好似港式燒味舖嘅叉燒咁樣🤣呢度嘅日式叉燒係圓圈一片,好似平時食拉麵嗰種叉燒,我夾咗一舊試吓，佢個醬汁好香甜肉質唔難口，滑蛋就咁睇個色水唔錯，呢個滑蛋我就武士道啦不過朋友話好滑而蛋味好香。最後再食埋個小食，炸物做得幾好唔會成口油，食埋個小食我哋兩個飽到上心口了。