築間酸菜魚

之前聽到哩間係全港首家台式酸菜魚就已經即刻bookmark左要黎食!!  餐廳既風格好得意好eye-catching, 仲有哩度係可以叫一人份既酸菜魚, 一個人自己黎食又得,, 兩個人又可以試兩款口味。野飲大杯又唔會好假陣味, 蜂蜜檸檬水同埋冬瓜檸檬茶都好飲。另外餐廳有提供一個小自助區, 可以free沖洛神花茶同陳皮水。一人份黎講份量係偏大, 湯底好味酸香辣辣地, 魚片滑滑有埋粉絲底, 仲有D配料金菇等等全部都係索湯一流。中意惹味既人一定要試下嘉義沙茶砂鍋魚, 佢既魚係走過油既魚塊所以更加香, 湯底濃郁充滿沙茶香, 仲有好多配料有枝竹, 丸, 娃娃菜同寬粉底, 而每樣食材夾起都掛滿湯汁, 好惹味而且堅飽!!!好中意食甜不辣, 但香港好少有好食既, 哩個滿意呀咬落去外脆鬆化然後煙韌, 正。芒果奶凍做甜品, 奶香突出口感軟滑, 好味。