小胖台灣麵

Open Now

Now Closed

小胖終於黎到元朗喇！小胖台灣麵係千色地下開咗分店，以各式台灣麵食為主打，裝修乾淨企理坐得舒服，麵控們又多個醫肚好地方🍜店內用QR code落單，除咗傳統牛肉麵、乾拌麵同小食外，最欣賞就係台灣自選湯麵系列，自行選擇各有特色既湯底後再好似車仔麵咁揀配料，DIY最啱自己既台灣麵🥰🔸濃·純·香牛骨湯麵牛骨湯頭濃郁，每一啖湯都有肉香，配上粗身有嚼勁台灣麵🍜手切封門柳厚實味濃，古早味炒酸菜加一份鹹香，台灣滷肉肥瘦適中，加埋隻滷水蛋，份量好巨型！🔸花蓮剝皮辣椒雞湯麵呢一款湯底本身已經有雞柳同辣椒作配料，雞湯清甜，同樣配搭粗身麵底。夜市排骨酥細細粒炸得香脆，軟綿綿竹笙同硬身蜂巢凍豆腐吸湯力超強，更能品嚐湯頭鮮味🔸鹽蒜四季豆揀咗蔬菜配搭大大大碗湯麵，四季豆配上炸蒜同香蔥一齊炒非常惹味，兩個人分享剛剛好😍🔸珍珠奶茶、白桃珍珠烏龍茶兩份飲品唔會太甜，茶味唔會俾蓋過，每杯仲有大量煙韌珍珠！