Video
Read full review
2023-10-30
1783 views
即係咁，得罪女友小熊就必定死罪啦!早排同小熊去幫襯果間什麼什麼 GOGO為食坊，結果食到一把火，佢果份鐵板餐完全無哩聲氣，鐵板餐嘅神粹獨有咋咋聲完全欠奉! 攪到小熊黑哂口面變黑熊，發脾氣話去樓上明記潮館好過! "好好好! 下次去! 下次去! 我請我請...." 緊係安撫隻黑熊先啦! 熊出沒注意!結果哩間 gogo 為食坊打入永不幫襯名單上!以為可以敷衍了事啦! 點知小熊又好鬼好記性! 突然問我幾時請佢去明記潮館!"我有話請咩?""有呀! 上次呀....." (下刪一萬字!)"哦哦哦.... 好好好..... 聽晚去聽晚去....."唉.... 個天點解賜小熊咁鬼好記性! 扮傻不成唯有硬食......原來佢掛住杯熊仔檸檬茶! 哩杯檸檬茶小熊超喜歡，又夠大杯又夠味，當然最中意係果隻冰熊仔啦! 隻冰熊仔都係落檸檬茶做原料! 唔係用水雪㗎! 夠哂誠意啦! 俾個超讚!記憶中.... 食滿300蚊，只要加8蚊就有滷水雜錦併盤 or 韮菜豬紅，上次叫過一次滷水併盤，以為8蚊雞係 hea hea 併盤，點知大大份一D都唔 hea! 結果食唔哂! 今次唔敢叫，驚浪費，但見到其他食客圍圍枱都叫!今次點咗熊
早排同小熊去幫襯果間什麼什麼 GOGO為食坊，結果食到一把火，佢果份鐵板餐完全無哩聲氣，鐵板餐嘅神粹獨有咋咋聲完全欠奉! 攪到小熊黑哂口面變黑熊，發脾氣話去樓上明記潮館好過!
"好好好! 下次去! 下次去! 我請我請...." 緊係安撫隻黑熊先啦! 熊出沒注意!
結果哩間 gogo 為食坊打入永不幫襯名單上!
以為可以敷衍了事啦! 點知小熊又好鬼好記性! 突然問我幾時請佢去明記潮館!
"我有話請咩?"
"有呀! 上次呀....." (下刪一萬字!)
"哦哦哦.... 好好好..... 聽晚去聽晚去....."
唉.... 個天點解賜小熊咁鬼好記性! 扮傻不成唯有硬食......
原來佢掛住杯熊仔檸檬茶! 哩杯檸檬茶小熊超喜歡，又夠大杯又夠味，當然最中意係果隻冰熊仔啦! 隻冰熊仔都係落檸檬茶做原料! 唔係用水雪㗎! 夠哂誠意啦! 俾個超讚!
記憶中.... 食滿300蚊，只要加8蚊就有滷水雜錦併盤 or 韮菜豬紅，上次叫過一次滷水併盤，以為8蚊雞係 hea hea 併盤，點知大大份一D都唔 hea! 結果食唔哂! 今次唔敢叫，驚浪費，但見到其他食客圍圍枱都叫!
今次點咗熊茶仔兩杯，仲有鵝腸併豬頭肉，南乳炸雞件同蠔仔粥.
我自己食潮州滷水，鵝腸同豬頭肉都唔係主角，主角係果碟辣油! 我怕辣少食辣，但潮州菜辣油係例外，唔知點解每間潮州餐廳D辣油辣度啱啱好! 辣到落喉嚨就停，唔會辣到噴火! 又有蒜頭香味道紅紅地又令! 鵝腸爽口豬頭肉有𡁻頭，小熊話我做咩食自己個豬頭肉!
蠔仔粥蠔仔嫩滑份量又足，忘記咗要求多蔥花!
曾經同小熊去台灣食炸雞多次，最正最難忘係台東夜巿炸雞，今次點哩份南乳炸雞件，外層炸漿極有台東炸雞風味! 台東美味回憶返哂嚟! 唯一分別係有多咗份南乳味，炸漿超香脆雞肉又熱又 Juicy，份量多超預期，慶幸無點太多餸! 明記潮館一D都唔偷工減料! 絕對好過樓下 GOGO美食坊!
問小熊食得開唔開心?
開心!
滿唔滿意?
滿意!
AA夾錢?
痴線!
Post
