Video
Read full review
2019-06-27
119 views
銅鑼灣登龍街嘅新興食肆大廈《V point》， 有好多唔同種類嘅餐廳， 大部分嘅餐廳都位於高層， 所以可以居高臨下， 遠眺銅鑼灣嘅市景。今次就帶住父母嚟食呢度食上海菜， 呢一間名為《豫園》嘅中菜廳， 位於26樓。 餐廳裝修甚有風格， 好容易就俾牆上彩色繽紛嘅壁畫所吸引， 而且更有落地大玻璃， 晚飯嘅時候可以望到落霞或者醉人嘅夜景， 令人感覺相當享受。呢度嘅食物質素相當高， 每款都可以食得出師傅嘅精湛廚藝。首先來一個冷盤《無錫脆鱔》， 呢一度菜式相當有歷史， 係清末民初時候設宴嘅不二之選， 大廚將鱔炸得甘香酥脆， 入口卜卜脆， 非常之香口。 炸好後喺外面加入咗甜甜酸酸嘅香醋汁嚟炒， 酸酸甜甜嘅味道令人更加開胃， 中和左炸鱔嗰份油膩感， 加埋上面嘅薑絲一齊嚟食， 更加醒胃。另外叫咗一道非常出名嘅蘇州菜《富貴火舫》，將咸香嘅金華火腿， 加入桂花蜜反覆蒸煮數小時，令蜜糖和桂花香氣滲入金華火腿薄片之中， 桂花蜜嘅香甜和金華火腿嘅鹹香非常匹配，再加入腐皮薄脆以及青瓜片， 用熱辣辣又軟熟嘅包子夾住嚟食， 口感和味道層次十足。《豫園小籠包》一定係必食推介， 秉承咗上海南翔小籠包嘅美譽， 皮薄多汁、餡料
今次就帶住父母嚟食呢度食上海菜， 呢一間名為《豫園》嘅中菜廳， 位於26樓。 餐廳裝修甚有風格， 好容易就俾牆上彩色繽紛嘅壁畫所吸引， 而且更有落地大玻璃， 晚飯嘅時候可以望到落霞或者醉人嘅夜景， 令人感覺相當享受。
呢度嘅食物質素相當高， 每款都可以食得出師傅嘅精湛廚藝。
首先來一個冷盤《無錫脆鱔》， 呢一度菜式相當有歷史， 係清末民初時候設宴嘅不二之選， 大廚將鱔炸得甘香酥脆， 入口卜卜脆， 非常之香口。 炸好後喺外面加入咗甜甜酸酸嘅香醋汁嚟炒， 酸酸甜甜嘅味道令人更加開胃， 中和左炸鱔嗰份油膩感， 加埋上面嘅薑絲一齊嚟食， 更加醒胃。
另外叫咗一道非常出名嘅蘇州菜《富貴火舫》，將咸香嘅金華火腿， 加入桂花蜜反覆蒸煮數小時，令蜜糖和桂花香氣滲入金華火腿薄片之中， 桂花蜜嘅香甜和金華火腿嘅鹹香非常匹配，再加入腐皮薄脆以及青瓜片， 用熱辣辣又軟熟嘅包子夾住嚟食， 口感和味道層次十足。
《豫園小籠包》一定係必食推介， 秉承咗上海南翔小籠包嘅美譽， 皮薄多汁、餡料多。 喺新鮮嘅豬肉入面加入咗美味嘅湯汁， 入口湯汁瞬間爆發， 湯汁帶有肉香而且鮮甜美味， 裏面嘅豬肉餡料非常飽滿， 可謂皮薄餡靚。 加埋香醋同埋惹味嘅薑絲， 令味道更上一層樓。
另外亦都有多款嘅時令菜式， 呢一味《龍鬚鮮魚絲》， 可以話係食出刀功， 蘇杭菜講求刀功， 大廚將桂魚去皮起骨， 再將魚肉切成幼絲， 再用非常簡單嘅調味去炒， 令人食到魚嘅鮮甜美味， 以及柔滑細緻嘅肉質。 另外亦加入咗銀芽去炒， 喺鮮嫩嘅魚肉入面加添咗一份爽脆嘅口感， 呢一道菜式鮮味十足， 令人一試難忘。
呢間中菜館除咗有上海菜之外， 仲有惹味嘅川菜選擇， 呢一道《水煮牛肉》 集麻、辣、香於一身。 牛肉鮮嫩， 熱湯火辣辣， 有花椒八角等香料嘅香氣， 裏面仲有椰菜和寬粉等配菜， 果然到質素咁出色。
最後亦叫咗一客《擂沙湯丸》作甜品， 湯丸表面佈滿黃豆粉， 裏面則是黑芝麻湯圓， 芝麻湯圓香濃亦唔會太甜， 餡料流心， 令人相當滿足。
如此高質素嘅上海菜餐廳，難怪得到好多熟客嘅青睞， 喜歡蘇杭菜嘅朋友絕不能錯過。
Post
