Video
Read full review
2022-07-12
234 views
之前朋友嚟過呢度，話呢間韓風餐廳好唔錯，今日就決定要嚟感受吓有幾唔錯。一入餐廳已俾牆身嘅graffiti吸引住，真係幾有韓國feel。用手機落單非常方便又衞生，睇menu有好多嘢都好想試，但胃得兩個，幾經篩選終於揀左芝士湯烏冬、韓國米酒、燒五花腩、燒巨蠔、仲有蜆，主要揀海鮮，諗住食多d都唔會肥。今次好難用食物美味道去排次序，因為真係各有千秋，款款都OK!唯有用上菜次序排列。🍶韓國米酒(白葡萄味) $100睇親韓劇都見到米酒嘅出現，所以一定要叫。十分驚喜店員上酒時仲係用上韓式傳統嘅黃鋁米酒壺同米酒碗，打卡必選。而且米酒嘅酒精度只有3%，濃濃嘅白葡萄味，入口香甜，即使不勝酒力，都絕對可以輕酌幾口感受吓。🥘真露焗蜆 $118喜歡這個蜆有韓式粉絲墊底，粉絲索滿牛油香味，入口又煙靭。而蜆雖然唔係大大隻，但粒粒都有肉(呢個真係要特別寫，因為真係未試過食蜆會無食到只得蜆殼嘅中空寶情況)、無沙、吸啜蜆肉時會嚐到淡淡嘅真露酒香。🍲溫泉蛋虎蝦芝士湯烏冬 $98呢個好玩又好食。因為芝士湯底，而芝士都幾多，同朋友share 食時諗住夾起分碗裝，就發覺竟然可以拉絲，同朋友不斷嘗試，睇吓可以拉到幾長，過程開心又興
一入餐廳已俾牆身嘅graffiti吸引住，真係幾有韓國feel。
用手機落單非常方便又衞生，睇menu有好多嘢都好想試，但胃得兩個，幾經篩選終於揀左芝士湯烏冬、韓國米酒、燒五花腩、燒巨蠔、仲有蜆，主要揀海鮮，諗住食多d都唔會肥。
今次好難用食物美味道去排次序，因為真係各有千秋，款款都OK!唯有用上菜次序排列。
🍶韓國米酒(白葡萄味) $100
睇親韓劇都見到米酒嘅出現，所以一定要叫。十分驚喜店員上酒時仲係用上韓式傳統嘅黃鋁米酒壺同米酒碗，打卡必選。而且米酒嘅酒精度只有3%，濃濃嘅白葡萄味，入口香甜，即使不勝酒力，都絕對可以輕酌幾口感受吓。
韓國米酒(白葡萄味)
$100
12 views
0 likes
0 comments
🥘真露焗蜆 $118
喜歡這個蜆有韓式粉絲墊底，粉絲索滿牛油香味，入口又煙靭。而蜆雖然唔係大大隻，但粒粒都有肉(呢個真係要特別寫，因為真係未試過食蜆會無食到只得蜆殼嘅中空寶情況)、無沙、吸啜蜆肉時會嚐到淡淡嘅真露酒香。
真露焗蜆
$118
17 views
0 likes
0 comments
🍲溫泉蛋虎蝦芝士湯烏冬 $98
呢個好玩又好食。因為芝士湯底，而芝士都幾多，同朋友share 食時諗住夾起分碗裝，就發覺竟然可以拉絲，同朋友不斷嘗試，睇吓可以拉到幾長，過程開心又興奮。湯味非常濃郁，除了有芝士嘅香味，仲有海鮮嘅鮮味，加埋溫泉蛋嘅蛋汁，就算齋飲湯都好好味。隻虎蝦新鮮、肉厚、爽口，就算浸喺呢個濃湯度食，都食到蝦嘅鮮甜。
溫泉蛋虎蝦芝士湯烏冬
$98
23 views
0 likes
0 comments
🦪韓川燒巨蠔 $68
做緊優惠買一送一，巨蠔真係無欺場，成隻手掌咁大隻，勁重蒜蓉香味，蠔亦燒得剛剛好，入口仲係好爽滑，撥開蒜蓉去食，食到蒜香之餘亦食到蠔嘅鮮味。
韓川燒巨蠔
$68
5 views
0 likes
0 comments
🥬🥓韓川菜包五花腩 $128
原來呢個係燒五花腩，上枱時，已烤熟嘅五花腩放在火爐上，另有新鮮生菜、蒜片、洋蔥、黃芥辣及燒汁。五花腩厚身但唔覺得肥膩，放在火爐上繼續燒住嚟食都唔會覺得肉嚡，可以自己剪開肉件，大少適隨專便，再按個人口味用生菜包起腩肉及配料進食，非常惹味。建議可留起部份入坐時送上的泡菜前菜，因為生菜包住嘅五花腩加泡菜都一樣好食。
韓川菜包五花腩
$128
3 views
0 likes
0 comments
呢餐真係食得豐富，仲韓風feel十足，絕對值得推介。
Post
