點點心 (Closed)

一大班朋友一起去飲茶便多數揾酒樓，如人少少，又想去飲吓茶便可到點心專門店一盅兩件。中午想吃蒸飯，呢處有午市優惠盅頭飯，只限堂食，仲有生菜一碟，只是$32，算幾抵食。花菇滑雞蒸飯，瓦煲仔上枱，花菇滑雞都調味得入味，雞肉唔嚡，而且餸份量也多。加埋生菜一大碟，食唔晒。點解此餐只可堂食，想就是讓你有機會叫其他點心吃的，所以如把持得住就好化算的。對不起，我輸了，忍不住叫咗陳皮蜂蜜燉原隻雪梨，只$15便叫來試吓囉！雪梨水微帶酸味，灑上的是已調味的九製陳皮，燉雪梨肉似啤梨的質感，還算清甜，一試無妨。