禪

Open Now

Now Closed

沙田店不是很大，分別有二人、四人同吧枱。磯煮鮑魚（2隻）磯煮鮑魚咬口有彈性，肉質嫩唔會韌，配上蟹籽更感鮮味，層次感豐富。吉列大蝦白咖喱烏冬吉列大蝦炸漿薄，冇油淰淰⋯⋯食到蝦嘅鮮味，蝦肉口感爽。白烏東望落白雪雪，拌勻後就見到(啡色)咖喱，烏東掛滿汁，但唔會太杰撻撻，薯仔咖喱味濃厚，帶一點微辣，好食嘅白咖喱烏東。蒲燒原條鰻魚蒲燒鰻魚的外層烤得微焦，醬汁帶出香甜味，入口感到肉質鮮嫩有彈性，唔會太乾。白飯軟糯連同紫菜加醬汁，令鰻魚飯更有滿足感。玫瑰桃膠紅棗奶好養生嘅飲料，材料豐富，入口有玫瑰嘅香，亦食到杞子、紅棗、桃膠、圓肉、黑桑葚子，飲落口感滑溜，唔覺好甜，好滋潤嘅飲品。洛神花水果茶肉桂香味撲鼻，洛神花顏色好靚，水果有蘋果、橙、士多啤梨，生果嘅香甜溶在洛神花茶中，飲落清香酸甜。