Video
Read full review
2024-09-06
142 views
好耐冇同媽咪一齊食嘢啦，仲記得以前細細個嘅時候，放學後佢成日帶我同細佬一齊去茶餐廳食嘢，雖然唔係咩大魚大肉但係我哋都食得好滿足。依家大咗，出去外地工作，就好少同佢哋見面食飯，諗諗都覺得慚愧。今日我就決定帶媽咪一齊去新鋪頭試下啦！呢間好似係新開張嘅，我搵openrice都冇咩食評，雖然有啲差評，但係食物始終要自己親自去試先知好唔好味架嘛。我喺openrice特登睇咗menu，全都係好經典嘅美食，就係唔知係咪我哋細個嘅味道啦。美國安格斯肉眼鐵板餐 💰118安格斯牛肉嘅肉質鮮嫩再經過鐵板高溫烹煮，可以好快鎖住肉汁再配埋洋葱汁簡單嘅調味就可以凸顯出高質牛肉本身嘅味道！套餐係包括餐湯同埋一個麵包，我同媽咪都揀咗紅湯。呢個真係勾起我細個嘅回憶，非常好味，濃郁嘅番茄味酸中帶甜、甜中帶香，我自己一碗都唔夠飲。大滿足雜扒鐵板餐 💰98大滿足入面有豬扒、雞扒，仲有腸仔。豬扒同雞扒都煎得好香，金黃色澤非常誘人！份量都好多，蔬菜同埋薯條都畀佢蓋住咗喺下面。食嘅時候再淋上黑椒汁，真係大滿足！凍檸檬蜜糖咖啡 幾片檸檬帶嚟嘅酸味同蜜糖甜蜜嘅味道，一齊融合喺苦澀嘅濃縮咖啡裏面，飲一啖真係冰涼爽口！凍朱古力咖啡適合唔鍾
仲記得以前細細個嘅時候，
放學後佢成日帶我同細佬一齊去茶餐廳食嘢，
雖然唔係咩大魚大肉但係我哋都食得好滿足。
依家大咗，出去外地工作，就好少同佢哋見面食飯，諗諗都覺得慚愧。
今日我就決定帶媽咪一齊去新鋪頭試下啦！
呢間好似係新開張嘅，
我搵openrice都冇咩食評，雖然有啲差評，但係食物始終要自己親自去試先知好唔好味架嘛。
我喺openrice特登睇咗menu，全都係好經典嘅美食，就係唔知係咪我哋細個嘅味道啦。
美國安格斯肉眼鐵板餐 💰118
安格斯牛肉嘅肉質鮮嫩
再經過鐵板高溫烹煮，可以好快鎖住肉汁
再配埋洋葱汁
簡單嘅調味就可以凸顯出高質牛肉本身嘅味道！
套餐係包括餐湯同埋一個麵包，
我同媽咪都揀咗紅湯。
呢個真係勾起我細個嘅回憶，非常好味，
濃郁嘅番茄味酸中帶甜、甜中帶香，我自己一碗都唔夠飲。
大滿足雜扒鐵板餐 💰98
大滿足入面有豬扒、雞扒，仲有腸仔。
豬扒同雞扒都煎得好香，金黃色澤非常誘人！
份量都好多，蔬菜同埋薯條都畀佢蓋住咗喺下面。
食嘅時候再淋上黑椒汁，真係大滿足！
凍檸檬蜜糖咖啡
幾片檸檬帶嚟嘅酸味同蜜糖甜蜜嘅味道，
一齊融合喺苦澀嘅濃縮咖啡裏面，
飲一啖真係冰涼爽口！
凍朱古力咖啡
適合唔鍾意咖啡苦味但係又想飲咖啡嘅大朋友— 我。
微苦嘅咖啡味加上濃濃嘅朱古力味，微妙嘅口感真係好飲^_^
Post
