Video
Read full review
2012-06-18
93 views
琴日同左daddy去到沙田帝玉庭同佢慶祝父親節，其實好耐都未試過一家人一齊食飯喇，所以我地呢日都係新城市廣場shopping完跟住就去附近既帝玉庭食小菜。daddy都係較傳統鍾意食中菜既，所以我地一早book左帝玉庭，諗住行完街就可以食。到7點鐘左右，唔使等，我地一去到餐廳經理就問我地book枱既資料，之後佢好快咁安排左我地入座喇。我地叫左個魚湯，有川芎同白芷係入面，有好香既魚味，daddy話川芎同白芷有補血作用，專登叫俾我地飲架，好開心呀。我地一家人都好鍾意食魚既，魚湯之後，見個menu有"魚別不同"，好奇之下點左呢道菜，睇下點樣唔同法。個貌相整到好似條魚咁，有一半係炸既，一半冇炸到既，我見到已經流哂口水，因為炸o個d魚好香，而且冇咩骨。我地又叫左碟小炒，有唔同既豆，有粟米、紅椒、豬肉咁，最岩就拎黎撈飯，我地一人一羹就好快食哂喇，細佬仲一定要食個脆脆，佢話炸得好鬆脆，好受歡迎~~我之前食過客家炆豆腐好多油而且好鹹，我對呢d重口味既菜色都一向麻麻，但我daddy就鍾意食，我見今日爸爸day就就下佢食一次，豆腐入面有一d豬肉、香蔥，食落去都幾好味，同我之前食既感覺唔同，可能呢度d味道較淡
琴日同左daddy去到沙田帝玉庭同佢慶祝父親節，其實好耐都未試過一家人一齊食飯喇，所以我地呢日都係新城市廣場shopping完跟住就去附近既帝玉庭食小菜。
daddy都係較傳統鍾意食中菜既，所以我地一早book左帝玉庭，諗住行完街就可以食。到7點鐘左右，唔使等，我地一去到餐廳經理就問我地book枱既資料，之後佢好快咁安排左我地入座喇。
我地叫左個魚湯，有川芎同白芷係入面，有好香既魚味，daddy話川芎同白芷有補血作用，專登叫俾我地飲架，好開心呀。
我地一家人都好鍾意食魚既，魚湯之後，見個menu有"魚別不同"，好奇之下點左呢道菜，睇下點樣唔同法。個貌相整到好似條魚咁，有一半係炸既，一半冇炸到既，我見到已經流哂口水，因為炸o個d魚好香，而且冇咩骨。
我地又叫左碟小炒，有唔同既豆，有粟米、紅椒、豬肉咁，最岩就拎黎撈飯，我地一人一羹就好快食哂喇，細佬仲一定要食個脆脆，佢話炸得好鬆脆，好受歡迎~~
我之前食過客家炆豆腐好多油而且好鹹，我對呢d重口味既菜色都一向麻麻，但我daddy就鍾意食，我見今日爸爸day就就下佢食一次，豆腐入面有一d豬肉、香蔥，食落去都幾好味，同我之前食既感覺唔同，可能呢度d味道較淡，連埋d汁食都幾juicy，下次可以再試。
我地一人一個鮑汁荷葉飯，味道好香濃，而且有好多料，蝦仁、雞粒、冬菇..........加埋d鮑汁，食完之後d味道仲留係口入面，好滿足。
呢餐飯真係好開心呀，daddy都話呢度d食物唔錯，得閒可以再試下其他菜式，而我就覺得呢度好適合一家人既聚會，俾人好熱鬧既感覺。Post
