Video
Read full review
2018-01-31
4872 views
Appetizer：Italian Smoked Swordfish 講味道之前，特別要讚一讚佢嘅擺盤，深藍色嘅水紋玻璃碟營造咗一個好似海洋咁樣嘅感覺，加上砌到好似花一樣精緻嘅魚片同埋沙律菜，未食已經覺得好fresh。 味道方面，煙劍魚好重鹹香味，質感似Parma Ham，但就更加細滑，連埋酸酸甜甜嘅鮮橙一齊食，特別開胃，算係一款比較濃味嘅開胃菜，但就仍然keep到清新嘅感覺。Appetizer：Pan Fried Quail Ballotine 鵪鶉肉卷最外層由煙肉所包住，而內層嘅質感就好似mousse一樣咁柔軟，原本以為煙肉會好鹹，但嚮成件肉卷嘅調和下，令到佢嘅鹹度恰到好處。點埋蜜糖南瓜蓉同鵝肝汁一齊食，帶出咗一種好特別嘅甜味，同肉卷本身嘅味道好夾，完全唔會覺得多餘。Main Course：Roasted Stuffed US Turkey栗子同火雞可以話係聖誕大餐嘅指定組合，甚至被認為係最能夠代表到聖誕節嘅味道。呢道火雞嘅肉質好軟熟嫩口，淋上百里香香草汁，食落無咁乾身之餘仲惹味咗好多，想清新少少嘅話，仲可以點埋隔離嘅紅莓醬。另外我最欣賞嘅，就係大廚嚮薯蓉配搭上所花嘅心思，混合咗栗
講味道之前，特別要讚一讚佢嘅擺盤，深藍色嘅水紋玻璃碟營造咗一個好似海洋咁樣嘅感覺，加上砌到好似花一樣精緻嘅魚片同埋沙律菜，未食已經覺得好fresh。 味道方面，煙劍魚好重鹹香味，質感似Parma Ham，但就更加細滑，連埋酸酸甜甜嘅鮮橙一齊食，特別開胃，算係一款比較濃味嘅開胃菜，但就仍然keep到清新嘅感覺。
Italian Smoked Swordfish
93 views
0 likes
0 comments
Appetizer：Pan Fried Quail Ballotine
鵪鶉肉卷最外層由煙肉所包住，而內層嘅質感就好似mousse一樣咁柔軟，原本以為煙肉會好鹹，但嚮成件肉卷嘅調和下，令到佢嘅鹹度恰到好處。點埋蜜糖南瓜蓉同鵝肝汁一齊食，帶出咗一種好特別嘅甜味，同肉卷本身嘅味道好夾，完全唔會覺得多餘。
Pan Fried Quail Ballotine
87 views
0 likes
0 comments
Main Course：Roasted Stuffed US Turkey
栗子同火雞可以話係聖誕大餐嘅指定組合，甚至被認為係最能夠代表到聖誕節嘅味道。呢道火雞嘅肉質好軟熟嫩口，淋上百里香香草汁，食落無咁乾身之餘仲惹味咗好多，想清新少少嘅話，仲可以點埋隔離嘅紅莓醬。另外我最欣賞嘅，就係大廚嚮薯蓉配搭上所花嘅心思，混合咗栗子蓉之後，多咗一種甘甜，同火雞嘅肉味好夾，如果用返普通嘅薯蓉，效果肯定會差一截。
Roasted Stuffed US Turkey
76 views
0 likes
0 comments
Main Course：Slow Roasted Black Cod
其實塊黑鱈魚扒本身就煮得唔錯嘅，魚肉嫩滑多汁之餘，切落去又唔會話散哂咁，都算結實。但我就麻麻地佢嘅醬汁同埋配菜：醬汁係黃粟蓉，好似稠身嘅粟米羹咁，味道清清地，但就做唔到突出魚味/鮮味嘅效果。而隔離嗰隻釀番茄就嚮面頭加咗濃味嘅香草，反而有啲霸道，蓋過咗魚嘅鮮味。至於橄欖鯷魚蓉嘅味道就更加唔討好，可能係我地唔識欣賞啦。畀我揀嘅話，就一定會搵其他蔬果做配搭。
Slow Roasted Black Cod
106 views
0 likes
0 comments
Dessert：Christmas Pudding
Christmas Pudding係聖誕節一種常見嘅傳統甜品，主要係由葡萄乾所組成，而今次呢款布甸就混合咗白蘭地汁。佢嘅質感同我地平時食開嘅布甸完全相反，比較乾硬同粗糙，但就好香葡萄味，所以最好就係配埋呍呢嗱雪糕一齊食，一硬一軟，一乾一濕，形成咗一種互補嘅味覺效果。
Christmas Pudding
112 views
0 likes
0 comments
Post
