割烹 櫓杏 (iSQUARE國際廣場)

Open Now

Now Closed

前幾日，我同大學朋友約咗出嚟敘敘舊，順便搵間未試過嘅餐廳食晚餐。我哋就搵到呢間店，感覺幾唔錯，就介紹一齊嚟呢度食。從佢哋嘅擺設可以睇到係一間日本店，佢哋嘅布置走日本風，環境非常nice！佢哋嘅dinner set有好多又特別嘅選擇。不過今日出席嘅老同學唔多，所以只可以試幾道set。經過服務員嘅介紹，我哋點咗一set牛腸鍋嚟share，仲有刺身盛合、鶏頸肉同埋柚子雪芭做甜品。牛腸鍋一端上嚟嘅時候，嗰陣香味真係不得了，搞到我哋都想趕緊試，真係令人期待。入面有滿滿嘅料，豆腐啦，一啲菜，當然最重要嘅係牛腸！佢嘅醬油清湯非常可口，我越飲越上癮，最後食完嘅時候仲將佢飲乾哂。呢個牛腸口感Q彈，味道濃郁，我嘅老同學都話好食！😋刺身都好正，食材非常新鮮，食落去鮮甜唔腥。特別嘅係，除咗甘海老，另外兩樣食材會由廚師自己發辦，有啲似omakase，可以保持神秘感，下次嚟仲會再點嚟期待。鶏頸肉就好食到唔夠分，試過一塊，全部人都爭住食。太美味啦！最後用柚子雪芭做甜品，啱啱好。總體體驗非常唔錯，下次嚟應該會試下嗰個火山鍋嘅set，見到其他顧客食得津津有味。