Video
Read full review
2012-01-01
1260 views
尋晚同舊同事食飯，由於訂唔倒香港大學校友會，所以訂咗食友們介紹的寧波旅港同鄉會。七點幾嚟到，人唔多，地方都幾企理。當晚叫咗：素鵝、燻魚拼棒棒雞、蘿蔔絲鰂魚湯、魚香茄子﹝奇怪的選擇，不多每人都可以決定兩味餸，冇野講﹞、雪菜肉絲炒年糕、蔥油家常餅同高力豆沙。素鵝幾好食，南方整法係用油炸的，但唔會覺得油膩；燻魚味道只屬一般，棒棒雞則只有D粉皮好食，雞肉就嫌鞋咗D，醬料就OK咁啦，呢個拼盤唔係太理想；蘿蔔絲鰂魚湯唔係太有魚味，略腥，蘿蔔微微有D渣，唔掂；魚香茄子非常油，食落其實味道可以，不過就唔係太有「魚香」，只係食咗少少就冇人再染指；雪菜肉絲炒年糕非常好味，年糕炒得恰到好處，煙煙韌韌，雪菜唔會太鹹，大家都食不停口；蔥油家常餅係另一絕活，炸得香脆金黃而不見油膩，內餡好多蔥，味道一流，不過食落其實係幾油架，但實在太好味，我一個人都食咗三件﹝！﹞；最後係甜品高力豆沙，味道都合格，但係紅豆餡出手太重，破壞咗整體味道的平衡，而且蛋白外皮有少少油味，應該可以做得好D
當晚叫咗：素鵝、燻魚拼棒棒雞、蘿蔔絲鰂魚湯、魚香茄子﹝奇怪的選擇，不多每人都可以決定兩味餸，冇野講﹞、雪菜肉絲炒年糕、蔥油家常餅同高力豆沙。素鵝幾好食，南方整法係用油炸的，但唔會覺得油膩；燻魚味道只屬一般，棒棒雞則只有D粉皮好食，雞肉就嫌鞋咗D，醬料就OK咁啦，呢個拼盤唔係太理想；蘿蔔絲鰂魚湯唔係太有魚味，略腥，蘿蔔微微有D渣，唔掂；魚香茄子非常油，食落其實味道可以，不過就唔係太有「魚香」，只係食咗少少就冇人再染指；雪菜肉絲炒年糕非常好味，年糕炒得恰到好處，煙煙韌韌，雪菜唔會太鹹，大家都食不停口；蔥油家常餅係另一絕活，炸得香脆金黃而不見油膩，內餡好多蔥，味道一流，不過食落其實係幾油架，但實在太好味，我一個人都食咗三件﹝！﹞；最後係甜品高力豆沙，味道都合格，但係紅豆餡出手太重，破壞咗整體味道的平衡，而且蛋白外皮有少少油味，應該可以做得好D
Post