寶字號刀削麵

Open Now

Now Closed

今日去荃灣搵朋友，佢帶咗我去一間街坊飯堂，估唔到係性價比超高嘅正宗山西刀削麵，晚餐時間keep住有人入嚟，證明係真好食😋🧄翡翠糖蒜 同朋友想挑戰吓，一食落去係超級勁蒜頭味，本身以為個口會好臭，但係佢蒜頭味唔係留喺個口好耐。作為前菜幾好食。🥚秘製黃金蛋 係金黃色嘅皮蛋，味道比一般皮蛋清少少，但係都係流心。🍀滷海帶 好爽好入味，但係鹹咗少少。超值單人飯套餐(包凍檸茶）黑椒牛柳炒刀削麵炒得幾好唔太油膩，淨係食到底嘅時候有少少油，黑椒味啱啱好，牛肉算多，份量大兩個人share都OK。入面仲有啲白木耳好爽口。炸雞粒呢個係我同朋友超鍾意食，即刻清咗碟，雞粒炸得非常酥脆乾身，肉唔柴，一口size好邪惡。🍚紅糖八寶飯 初時我哋唔太識以為佢係一個飯，但係其實佢似係甜品多啲🤣入面係有蓮蓉，飯入面溝咗紅糖同埋紅棗，食落去好似食緊甜糭。