Video
Read full review
2015-06-16
3339 views
"喊面篇"捱吓捱吓終於都寫完了, 唔想再寫~ 可唔可以寫番啲好味的, 讓我邊寫邊回味呢? 今篇是在鰂魚涌區的"名店", (網上搜尋一下子就找到: 老闆請來年前結業、灣仔李景記粥品專家之老闆景叔主理，賣的都是昔日的招牌粥品...) 其實名嘅嘢, 大家都明, 吹吓吹吓/煲煲吓就有名, 但有名之後, 就睇你點保持你的食物質素. 李景記在灣仔時我吃過, 鋪頭又細又窄, 唔知點解都好'有名氣'? 碗粥又沒有太想回味再三的意慾, 印象一般, 街邊粥館一間是也! 粥麵館同車軚連扯上關係後, 聲價十倍?! 但唯獨是我們幾位紥根在鰂魚涌好幾年的人都沒有特別想去的意思, 因為聽聞這店以排隊出名, "我哋呢班打工仔", 食個飯要排長龍七除八拆時間所剩無幾然後仲要係食粥? 熱辣辣倒入肚再趕頭趕命撲返公司? 非必要都唔好玩啦! 所以通常有人病才會有人提議: 但今日無端端有某某話想去食粥, 都一點幾應該無需要等太久吧, "大隊"話去, 我跟! Let's Go, go go go~一去到都已經一點九, 以為飯市都差不多完可以即刻入座, 但都想過頭了, 仍有十個八個人等, 我們人多, 要等大枱
今篇是在鰂魚涌區的"名店", (網上搜尋一下子就找到: 老闆請來年前結業、灣仔李景記粥品專家之老闆景叔主理，賣的都是昔日的招牌粥品...) 其實名嘅嘢, 大家都明, 吹吓吹吓/煲煲吓就有名, 但有名之後, 就睇你點保持你的食物質素. 李景記在灣仔時我吃過, 鋪頭又細又窄, 唔知點解都好'有名氣'? 碗粥又沒有太想回味再三的意慾, 印象一般, 街邊粥館一間是也! 粥麵館同車軚連扯上關係後, 聲價十倍?! 但唯獨是我們幾位紥根在鰂魚涌好幾年的人都沒有特別想去的意思, 因為聽聞這店以排隊出名, "我哋呢班打工仔", 食個飯要排長龍七除八拆時間所剩無幾然後仲要係食粥? 熱辣辣倒入肚再趕頭趕命撲返公司? 非必要都唔好玩啦! 所以通常有人病才會有人提議:[不如今日遷就阿某某去吃粥吧?!] 但今日無端端有某某話想去食粥, 都一點幾應該無需要等太久吧, "大隊"話去, 我跟! Let's Go, go go go~
一去到都已經一點九, 以為飯市都差不多完可以即刻入座, 但都想過頭了, 仍有十個八個人等, 我們人多, 要等大枱, 但一開頭就有不愉快的經驗, 因為當前有一張長大枱拍在一起一共有十個位, 但全枱走剩一位女仕在中間枱, 侍應就說目標是給我們安排這張枱, 但她有飲品未飲完, 叫我們多等一會, OK, 無問題, 我們會合作的!
五分鐘過去, 八分鐘過去, 女仕慢條斯理的沒有起坐的意思, 門口前前後後已清了隊只剩我們繼續在等, 侍應一直叫我們等那枱但又不給我們入去搭枱, 其實我們只有七個人, 這是否有點無聊?! ...而期間, 另外有些枱都已埋單了但入了其他散客, 他仍要我們照原定坐那張, 其實女仕慢吞吞的或者她未夠鐘返工想坐坐?! 那為何要勉強? 何不讓大家一起坐她亦可繼續, 我們不介意呢, 莫非她介意? 但他硬要跟他的安排, 怪怪的, 說起來终於等到她埋單了, 謝天謝地啊! 都差不多要15分鐘才正式入座, 這些都不打緊, 最緊要好味...希望咁好生意, 真係好味啦...
大名鼎鼎的粥品大概三十多元, 選擇很多, 就來一碗肉丸粥吧, 但我又為食, 加20元有點心, 叫多一客糯米雞吧!
粥呢~ 可能是我自己唔識食, 食唔出米香, 又唔覺粥底有幾好吃...(好老實說, 自己煲都還可以控制濃稠度, 所以好難氹得我歡心), 肉丸就有6粒, 普普通通...$35元一碗不貴但我會期望水準高一些, 還好這碗粥比起英皇道生記"畢"了十來匙已"水汪汪"好很多, 至少我吃完全碗; 當然, 前文都說過很多次, 在鰂魚涌區開食店似乎幾好做, 首先, 休紅日, 其次, 好唔好食都大把生意, 再者, 貴一貴都有人食, 粥麵館餐牌選擇很多, 而且香港人的羊群心理很大, 越長龍越好味?越要等, 所以它屹立不倒大把生意送上門. 小結: 單獨評碗粥, 是可以給OK的, 但我自己並沒有想回頭吃的意思..
肉丸粥
$35
100 views
0 likes
0 comments
104 views
0 likes
0 comments
最大問題是糯米雞, 看看那個蒸籠, 不要以為是珍珠雞一客兩隻, 上桌時讓大家笑我叫錯了, 又有人笑另一隻給廚房偷吃了... 但它的糯米雞真是這樣子出餐的, 可否講明是"迷你糯米雞"?! 關於味道方面, 我覺得普通啦, '師傅'太重了, 可能撈在醬料方面, 我們不清楚那方面出了問題, 因為大家叫的東西都不盡相同但回到公司後, 大家同事都有非常口渴的感覺, 所以過不到關! 而且自那次之後這兩個多月都沒有人再提議要encore...
糯米雞
$20
105 views
0 likes
0 comments
Post
