華特餐廳

Open Now

Now Closed

住呢度啲食評寫到間餐廳，幾咁靚，幾咁華麗，既然嚟到，都試一試啦。住咗一晚酒店，之前一晚食咗 迪士尼另一間餐廳嘅自助晚餐，都係食佢個牌子，嘢食都係好一般。 對呢間餐廳有啲期望，點知都係失望而回。先講環境，冇想像中咁靚，可能因為其他人放得出嚟嘅相都加咗特別效果，正正常常一間餐廳， 我食既係半自助午餐，連加一大概500蚊一位，頭盤 自助任拎，其實就冇乜選擇嘅，沙律生果連餐包加起上嚟唔多過十款可選，而且拎曬冇人補充，有一段時間食物枱得返一半頭盤食物（ 即係得返四碟係又食物可以拎）， 主菜我叫咗黑毛豬意大利飯，黑毛豬乾爭爭，個飯又鹹，很難食； 甜品都有五六款，都係自助任拎，造型幾靚，但都係麻麻地好食，總括嚟講，嘢食啲樣幾靚，打下卡唔錯，未到就認真麻麻。