元朗合隆潮州粉麵 (德仁街)

Open Now

Now Closed

又係一間近排人氣的食肆，都因為有位名廚在網上推介。鬼叫我胃食，又去跟隊排咗成半個鐘，中午1點幾又係放飯時間，太多人啦！入咗去點餐叫了幾樣野試吓，當然要試吓我最想食的胡椒淨豬雜，花雕鮮醉雞，再加牛腩+豬油撈麵、胡椒豬手尖米粉。滿滿的期待，但結果總是有落差。胡椒豬雜算是正常，味道唔錯，胡椒湯很香不太辣。其他就一般啦！牛腩太肥冇乜味，撈麵算是爽口，但味道淡淡我覺得唔夠味，豬手太淋，花雕鮮醉雞就吃不到鮮雞味道，不過花雕酒算是香甜的，沒有一般酒的苦澀味。整體來說都幾失望😞！可能人太多，水準就差少少，遲啲等少啲人慕名而來，先再試啦！