Seoul Noodles

Open Now

Now Closed

本身諗住見到呢間餐廳新新地又有人排隊就想試吓，點知就有一個好失望嘅食物體驗。入到餐廳諗住觀望吓人哋食啲乜嘢。嗌咗一個大邱辣牛肉蔬菜湯飯，同一個辣湯麵，另加左蜆肉同餃子。一嚟到個餃子都還好，味道不過不失。但嚟到個湯飯真係好失望，本身我個人麻麻哋飯撈埋落去個湯度，我會比較prefer飯另上，所以個湯飯變到一pat pat，而且個湯完全冇其他鮮味，只有辣粉味同淡味，完全唔吸引，再加上另外個辣湯麵嚟到，其實都係一樣味道一樣湯底冇分別，所以其實都冇食到好多。再試埋個蜆肉每一粒都好多沙，基本上你食每一粒都會點都有少少，有幾粒直程係成口沙，所以都唔推薦。會覺得有更加好嘅韓國餐廳選擇，除咗餃子之外，其他都唔推薦。