初遇

Open Now

Now Closed

粉嶺火車站連接嘅商場開咗間台灣嘢，裝修幾靚，比起同商場啲店舖特別吸引，下午茶餐算抵食。滷肉飯飯粒軟糯分明，滷肉碎瘦肉佔多比較健康，香腸有油香，唔錯。另一份雞扒蛋吐司驚艷到我，係而家台式早餐店好興嘅牛油紙包裝，食落唔會整污糟手，雞扒嫩滑，蛋係流心嘅，加埋烘底多士同沙律醬好好食～另外叫咗蝦多士同埋芋泥蛋餅做小食，蝦多士份量輕盈啲，芋泥算幾綿，加埋台式醬油膏又出奇地夾。飲品跟餐可揀黑糖薑母茶，唔算甜；加$12轉芋泥鮮奶，冇蛋餅啲芋泥咁幼滑但以呢個價錢嚟講好抵飲。