八方棧

Open Now

Now Closed

今日由大埔踩單車去科學園，到達科學園都已經5點，係科學園食完晚飯再回程返大埔。好耐冇食中菜啦！我地左位於海旁的「八方棧」食晚飯。餐廳環境寬敞，設有室外和室內，室外環境可以一邊吹住海風，一邊嘆晚餐，好Chill 。風味黑毛豬叉燒（$198）叉燒用上黑毛豬，叉燒半肥瘦，肥瘦適中，肥叉位不會太膩，肉質不會過乾，最鐘意以到叉燒上的醬汁用上蜜汁。濃湯海味雜菜煲好大煲，入面有好多雜菜、粉絲、蝦乾、冬菇等等，雜菜煮到好腍，索晒濃湯湯汁。五代同堂炒飯鑊氣十足，飯粒炒得乾身，有粒粒分明的效果用上蝦仁、蝦米、蝦籽、蝦乾、櫻花蝦炒出甘香的蝦味，每啖都食到蝦的鮮味。