文記車仔麵 (福榮街)

Open Now

Now Closed

自從屋企樓下嗰間好好味嘅車仔麵檔執咗之後好難搵到一間好食嘅， 今日試過呢間都算ok喎，其實呢間都想試好奈， 但係次次行過都勁多人排隊， 今次咁啱見到呀開咗間新嘅分店又冇人排隊，於是乎就去試下。環境好坐得唔係好舒服，似有冷氣嘅高級大排檔，新舖大部份都bar枱式，座位嘅距離有啲迫，不過好彩櫈下面有個籃畀我哋再自己嘅隨身物品（ 都算係一個窩心嘅設計），佢設最低消費25蚊（ 其實大約都係揀兩至三個餸到就已經over咗最低消費）。 入去嗰時職員會畀 一塊用膠板整成嘅menu你，menu上面呢都有唔少嘅選擇， 仲有好多懷舊嘅小食添，而我今次就揀咗豬腸同豬紅配米粉，佢哋嘅豬腸 做到入曬味又唔會好難咬得開， 而嗰啲豬紅呢又好爽身， 完全冇怪味。 個湯底我就揀咗牛腩汁不過個湯底食落就好似有啲錢出前一丁公仔麵嘅味，響呢度就有少少扣分啦，不過食完之後都唔會太口乾。 不過好值得一提嘅呢就係佢樽冬菜，望落去好辣，但其實唔係好辣，加落d面度簡直一流呀👏👏分量方面呢呢一個女仔食叫兩個餸加一個面呢已經夠飽㗎啦， 都唔算太細碗。