Video
Read full review
2022-05-28
4160 views
約咗人喺觀塘交收，由於時間尚早，決定先去鱷魚恤中心嘆個早茶，揀咗位於 6 樓嘅「玉桃軒酒家」。我哋大約 11am 到達，平日好少會咁早過嚟呢度飲茶，原來星期六、日及公眾假期都有醒神優惠點心供應，不過就要 12n 點前結帳離座，即刻入單。鮮蝦菠菜餃 ($29.8)：餃皮晶瑩通透，可以清楚見到內裡翠綠嘅菠菜同新鮮嘅蝦肉，菠菜清甜多汁，蝦肉爽口彈牙，食落好有口感。蒜茸鮮蝦春卷 ($32.8)：春卷炸得好香口，入面有大大粒爽滑嘅鮮蝦，而且上檯時仲係熱辣辣，咬下脆口不油，一碟四條，點喼汁吃，美味！藥膳雞腳 ($28.8)：雞腳大大隻，用藥材湯浸住，內有杞子同桂圓，好足料，食落軟腍又夠入味，入口仲散發住濃濃嘅藥材香。蜆芥炸鯪魚球 ($26.8)：鯪魚球炸到脹卜卜，入口外脆內軟，魚肉香脆彈牙，一點也不腥，配搭鹹香嘅蜆芥醬，風味十足。燒味雙拼飯 ($58)：燒味揀咗腩仔同叉燒，腩仔肥瘦適中，肉質細嫩，脆皮得嚟又唔會太肥。叉燒半肥瘦，肉質好鬆化，蜜味亦啱啱好，最正就係仲有少少燶邊，咬落去好甘香，用嚟送飯一流。薑汁千層糕 ($26.8)：千層糕煙韌有嚼勁，入口帶陣陣薑辛，開胃解膩，用嚟做飯後甜品就最適合不
約咗人喺觀塘交收，由於時間尚早，決定先去鱷魚恤中心嘆個早茶，揀咗位於 6 樓嘅「玉桃軒酒家」。
我哋大約 11am 到達，平日好少會咁早過嚟呢度飲茶，原來星期六、日及公眾假期都有醒神優惠點心供應，不過就要 12n 點前結帳離座，即刻入單。
鮮蝦菠菜餃 ($29.8)：餃皮晶瑩通透，可以清楚見到內裡翠綠嘅菠菜同新鮮嘅蝦肉，菠菜清甜多汁，蝦肉爽口彈牙，食落好有口感。
蒜茸鮮蝦春卷 ($32.8)：春卷炸得好香口，入面有大大粒爽滑嘅鮮蝦，而且上檯時仲係熱辣辣，咬下脆口不油，一碟四條，點喼汁吃，美味！
藥膳雞腳 ($28.8)：雞腳大大隻，用藥材湯浸住，內有杞子同桂圓，好足料，食落軟腍又夠入味，入口仲散發住濃濃嘅藥材香。
蜆芥炸鯪魚球 ($26.8)：鯪魚球炸到脹卜卜，入口外脆內軟，魚肉香脆彈牙，一點也不腥，配搭鹹香嘅蜆芥醬，風味十足。
燒味雙拼飯 ($58)：燒味揀咗腩仔同叉燒，腩仔肥瘦適中，肉質細嫩，脆皮得嚟又唔會太肥。叉燒半肥瘦，肉質好鬆化，蜜味亦啱啱好，最正就係仲有少少燶邊，咬落去好甘香，用嚟送飯一流。
薑汁千層糕 ($26.8)：千層糕煙韌有嚼勁，入口帶陣陣薑辛，開胃解膩，用嚟做飯後甜品就最適合不過。
Post
