滿軒新派粵菜 (Closed)

落班經過見到呢間新開嘅新派粵菜叫做滿軒好似幾吸引，就去左呢度食晚飯！由於時間尚早，所以好多空位都沒人坐。餐廳裝修得整齊舒適，家庭飯局定係朋友聚會都適合不過。酒香寶貝鴿，我哋叫咗一隻試吓，隻寶貝鴿熱辣辣，個板脆卜卜，醃料味道有別於平時食開嘅紅燒乳鴿，因為佢帶咗酒香，所以都幾好味。黑松露帶子炒滑蛋，滑蛋是家常小菜，但難做得好，不是炒出水，就是炒得過生似蛋糊多過滑蛋。呢度師傅做到滑蛋一層一層的往上叠，生熟剛剛好。下次繼續來。