Video
Read full review
2021-09-16
733 views
🍽蜜汁叉燒 老醋紅頭海蜇叉燒睇落無也油脂,但食落係夠腍身亦都ok入味如果可以再濕潤少少會更好🍽傳統北京烤鴨上菜方面有d慢,師傅即烤即片,但我地一共8張檯,兩個師傅逐張檯上,第一張同最後個張食同一味菜既差距有差唔多廿幾分鐘,要客人乾等安排得唔係甘好,應該可以係客人食前一度菜就開始片或者上下一款先...烤鴨既配料同餅皮正常,係皮可以再薄d同熱d烤鴨可以分開兩種切法一邊係淨皮,另一邊係皮連肉淨皮個邊侍應同我地講係加砂糖食,入口即溶皮連肉既就用餅皮包住食淨皮係比一般餐廳既片皮鴨脆既, 佢唔係炸出黎個種系脆而係烤到無曬水分乾身個種脆唔知係咪我地d鴨上檯已經唔太熱,完全體會唔到什麼叫入口即溶？？？另一敗筆係個皮烤到苦,係加左d砂糖都會食到d苦味,最鐘意食皮既我都唔想食如果會苦到甘,其實無必要為左脆而烤到甘至於皮連肉,可能皮既部分唔多,所以唔太覺苦味,味道正常,無特別驚喜🍽竹笙龍躉班片勝瓜魚湯🐟奶白色既湯,味道都幾濃郁,落足料一細碗湯都有兩大塊班片, 班片厚切無骨同行怕腥既朋友覺得有d腥味唔怕腥既朋友就覺得好飲🍽上湯焗波士頓龍蝦🦞正常質數,龍蝦肉有彈性既,煮既時間剛好味道可以既,純粹無欣賞上湯焗呢種
叉燒睇落無也油脂,但食落係夠腍身亦都ok入味
如果可以再濕潤少少會更好
🍽傳統北京烤鴨
上菜方面有d慢,師傅即烤即片,但我地一共8張檯,兩個師傅逐張檯上,第一張同最後個張食同一味菜既差距有差唔多廿幾分鐘,要客人乾等安排得唔係甘好,應該可以係客人食前一度菜就開始片或者上下一款先...
烤鴨既配料同餅皮正常,係皮可以再薄d同熱d
烤鴨可以分開兩種切法
一邊係淨皮,另一邊係皮連肉
淨皮個邊侍應同我地講係加砂糖食,入口即溶
皮連肉既就用餅皮包住食
淨皮係比一般餐廳既片皮鴨脆既, 佢唔係炸出黎個種系脆而係烤到無曬水分乾身個種脆
唔知係咪我地d鴨上檯已經唔太熱,完全體會唔到什麼叫入口即溶？？？
另一敗筆係個皮烤到苦,係加左d砂糖都會食到d苦味,最鐘意食皮既我都唔想食
如果會苦到甘,其實無必要為左脆而烤到甘
至於皮連肉,可能皮既部分唔多,所以唔太覺苦味,味道正常,無特別驚喜
🍽竹笙龍躉班片勝瓜魚湯🐟
奶白色既湯,味道都幾濃郁,落足料
一細碗湯都有兩大塊班片, 班片厚切無骨
同行怕腥既朋友覺得有d腥味
唔怕腥既朋友就覺得好飲
🍽上湯焗波士頓龍蝦🦞
正常質數,龍蝦肉有彈性既,煮既時間剛好
味道可以既,純粹無欣賞上湯焗呢種做法,用其他煮法會更好
🍽鹹蛋黃魚皮蝦球
魚皮炸到好脆而不硬,比滿滿既鹹蛋黃包住
係好野味但略嫌鹹左d
蝦球唔錯,彈牙,炸粉厚薄剛好
蝦球比較淡身,加鹹蛋黃就剛好
🍽雞樅菌醬蔥燒鱈魚
呢味係今晚最鐘意既一味
鱈魚外邊煎得好香,仲有少少焦脆
加埋濃味既雞樅菌醬係好野味
未食過雞樅菌,個名甘特別
於是上網search左下
原來雞樅菌係同白蟻巢共存
白蟻構築蟻巢的同時培養了雞㙡菌菌絲體，形成一個共同的生態系統
外形同秀珍菇個類好似,因味道,內部纖維結構,色澤狀似雞肉,所以命名為雞樅
但你睇過雞樅菌同白蟻一齊d相,真係倒胃口🤢
🍽彩椒鳳梨咕嚕肉
雖然係普通菜色,但對酒店既餐廳會多一點期望
例如會唔會係脆皮啊,拔絲啊……
結果係一般好普通酒樓既水準,無特別
🍽乾蔥鮮竹撈芥菜
其實睇個餸名會覺得幾新鮮,有d期待
覺得應該比上湯浸菜個d既味道豐富
點知…期待呢d野真係唔好隨便有
呢度係最晚最差既一道餸
煎香左既乾蔥+上湯煮熟既腐竹+切條芥菜
最大既敗筆係芥菜...一個字...苦😵💫
乾蔥煎香後有少少苦,加埋淡味既腐竹+好苦既芥菜＝唔知撈埋一齊做咩＝唔食曬都唔覺得可惜
🍽瑤柱帶子欖菜炒飯🍚
炒飯炒得幾好,乾身,粒粒分明
帶子粒無炒到嚡口,仲幾鮮甜
再加野味欖菜,成個飯唔錯
🍽柚子桂花紅豆糕，紅棗貝殼蛋糕拼吉士醬
桂花紅豆糕感覺比較求其,唔得精緻
分量幾多,但味道真係似自己係屋企整個種
個蛋糕比紅豆糕好,蛋味比較重個種
加埋creamy得黎唔過厚既吉士醬係幾好味
如果加埋個雪糕球就perfect
總括而言💁🏻♀️
服務態度係好既
用餐環境方面,覺得裝修同傢私都幾舊,
大廳好d,房仲舊d添
食物方面,話曬都係酒店入面既餐廳
你會expect多d, 但佢overall只係做到ok
如果你嚴格d會覺得有d失望
因為大部分菜最多係ok,比唔到驚喜
唔會特登入大學站食
蜜汁叉燒老醋紅頭海蜇
41 views
0 likes
0 comments
傳統北京烤鴨
24 views
0 likes
0 comments
竹笙龍躉班片勝瓜魚湯
24 views
0 likes
0 comments
鹹蛋黃魚皮蝦球
17 views
0 likes
0 comments
雞樅菌醬蔥燒鱈魚
27 views
0 likes
0 comments
彩椒鳳梨咕嚕肉
18 views
0 likes
0 comments
乾蔥鮮竹撈芥菜
16 views
0 likes
0 comments
瑤柱帶子欖菜炒飯
11 views
0 likes
0 comments
柚子桂花紅豆糕，紅棗貝殼蛋糕拼吉士醬
12 views
0 likes
0 comments
Post
