麺匠 真武咲弥 (Moved) New Location

早排同女朋友行完利東街，就喺附近搵吓餐廳食晚餐，由於太耐冇食過拉麵的關係，又想試吓新野，所以就入咗嚟呢間餐廳食拉麵啦。呢間餐廳嘅價錢都唔算太貴，一個拉麵大概＄80左右，算係香港食拉麵的市價啦。我哋食一間未試過的拉麵餐廳時都會揀返佢地的招牌拉麵，通常都冇乜伏。個拉麵嘅湯底都非常之濃郁，舊叉燒亦都唔錯，肥瘦均勻，麵質亦都幾爽口，算係我鍾意食嘅拉麵嘅味道。呢間餐廳距離灣仔站大概只有5分鐘步程，雖然附近都有好多好食嘅餐廳，但如果想試吓新野嘅話呢間都算係一個唔錯的選擇。