態度 (Moved) New Location

去葵芳掃街，之前睇過梁祖堯ig介紹呢間店舖，啲 串燒幾好食， 又係良心小店，於是去試下。3樓呢個位置超勁大油煙入咗去好想快啲走。職員喺裏面煮緊嘢，要按出面個叮叮先可以落單。佢話要等15分鐘。因為油煙太勁，所以都係出去外面等。叫咗燒魷魚、牛柳粒、燒雞皮同豬頸肉。魷魚係冇味嘅， 似啲雪藏攞出嚟解凍，有啲水水哋 ，唔爽口，唔好味。其他牛柳粒、燒雞皮同豬頸肉， 味道香濃，不錯。四款都要八十幾蚊，貴過正正經經係餐廳食一個飯 食， 食完都唔飽。 抵唔抵就見仁見智啦。