Senti

Open Now

Now Closed

我同老婆呢幾年食過兩次午餐，今次再黎試下晚餐。第一次寫食評，因為好想呢間性價比咁高但超水準既 非米芝蓮餐廳可以生意興隆，咁我地先可以繼續有得黎食。上次食午餐已經覺得超級好食，性價比又好好。所以今次慶祝都無去食米芝蓮，反而過黎試下晚餐。呢度環境望住大館夜晚好chill，服務員用廣東話解釋每道菜好貼心(服務員幾年都仲係果個好親切既叔叔)。其實佢食物比得上米芝蓮二星三星，除左tasting menu 外，我地仲加左個魚，雞翼，Scallop... 所有野都好好味。尤其是龍蝦主菜，仲配左啲焗得超香既牛油法式麵包貼龍蝦個汁，野味到爆。個scallops 好新鮮清新。和牛都好有水準。之前午餐黎我地食過紅蝦意粉同埋牛扒，都係煮得超級出色，價錢又相宜。