Video
Read full review
2019-07-17
1676 views
由於上次同朋友群聚開心到翻艇, 於是約定每個月一次群聚, 個個月都開心放鬆一下,今次㨂咗喜萬年.如果係我攪群聚, 一定唔會去喜萬年, 因為菜式價錢唔平, 我係窮鬼嘛! 而且群聚吹水為主, 唔洗食咁貴啫.不過由群主話事, 我只係柴娃娃攪事群友一名, 再加上有群友支助, 咁就唔同囉.群主發板有金牌烤乳豬, 蓮子八寶鴨, 菘露芒果脆蝦球, 家鄉雞蛋焗魚腸, 籠仔荷葉蒸蟹飯, 香矛焗花尾龍躉球, 椒鹽鮮魷, 麵醬炒通菜, 菜遠牛肉, 薑汁炒芥蘭.金牌烤乳豬 : 目測每一件都唔係好肥膩, 不過好似連肉都唔多, 不過最重要係皮脆, okay 啦.蓮子八寶鴨 : 成班群友都話入口羶味重, 但我又食唔出喎, 將隻鴨起骨之后, 釀咗蓮子, 冬菇, 咸蛋黃等配料, 我自己唔中意蓮子, 所以食得唔多, 味道重手咗少少, 配料份量頗多無偷工減料.松露芒果脆蝦球 : 芒果味蓋過松露味, 蝦球新鮮彈牙, 外皮酥脆, 夠特別, 讚!籠仔荷葉蒸蟹飯 : 飯份量不足, 蟹味不足, 荷葉味不足, 失望菜式.香矛焗花尾龍躉球 : 龍躉肉香滑鮮甜, 係另一個欣賞菜式.椒鹽鮮魷 : 首先金黃色外表好吸引, 外脆內軟, 水準之作
如果係我攪群聚, 一定唔會去喜萬年, 因為菜式價錢唔平, 我係窮鬼嘛! 而且群聚吹水為主, 唔洗食咁貴啫.
不過由群主話事, 我只係柴娃娃攪事群友一名, 再加上有群友支助, 咁就唔同囉.
群主發板有金牌烤乳豬, 蓮子八寶鴨, 菘露芒果脆蝦球, 家鄉雞蛋焗魚腸, 籠仔荷葉蒸蟹飯, 香矛焗花尾龍躉球, 椒鹽鮮魷, 麵醬炒通菜, 菜遠牛肉, 薑汁炒芥蘭.
金牌烤乳豬 : 目測每一件都唔係好肥膩, 不過好似連肉都唔多, 不過最重要係皮脆, okay 啦.
蓮子八寶鴨 : 成班群友都話入口羶味重, 但我又食唔出喎, 將隻鴨起骨之后, 釀咗蓮子, 冬菇, 咸蛋黃等配料, 我自己唔中意蓮子, 所以食得唔多, 味道重手咗少少, 配料份量頗多無偷工減料.
松露芒果脆蝦球 : 芒果味蓋過松露味, 蝦球新鮮彈牙, 外皮酥脆, 夠特別, 讚!
籠仔荷葉蒸蟹飯 : 飯份量不足, 蟹味不足, 荷葉味不足, 失望菜式.
香矛焗花尾龍躉球 : 龍躉肉香滑鮮甜, 係另一個欣賞菜式.
椒鹽鮮魷 : 首先金黃色外表好吸引, 外脆內軟, 水準之作.
麵醬炒通菜 : 通菜新鮮炒得入味, 而且用上我中意嘅細通葉品種, 唔錯.
涼瓜牛肉 : 牛肉用上薄切, 另外炒出黎嘅涼瓜有少少甘味.
薑汁炒芥蘭 : 經驗告知, 薑汁炒什麼什麼菜式, 都係無咩薑汁味, 今次亦都唔例外, 而芥蘭炒得夠冧.
家鄉雞蛋焗魚腸 : 點解黎喜萬年迷底終於解開喇! 我曾經講過好憎食焗魚腸, 一上枱已經腥到核爆! 從未試過係街食焗魚腸唔腥, 所以群主就帶我黎見識吓, 今次焗魚腸一上枱已經驚訝毫無腥味, 我特別無加胡椒粉, 都食唔出腥味, 掂! 不過.... 蛋就老咗D唔夠滑囉.....
飯后感 : 味道質素高, 但好多菜式份量嚴重不足, 似上等人去嘅酒樓, 我哩D下等人都係中意去D性價比高抵食夾大件餐廳啱我身份.
Post
