63
12
4
Restaurant: Vegelink Vegetarian Cuisine
Info:

To promote a new salt and sugar reduction (RSS) dietary culture and living style to the people of Hong Kong, the Environment and Ecology Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department have launched the "Less-Salt-and-Sugar Restaurants Scheme" ("Scheme"). Restaurants participated in the Scheme will offer less salt or sugar options to the consumer or even tailor-make less salt or sugar dishes in designated restaurants. Participating restaurants will be granted with the Scheme Labels for displaying in the premises for public identification. For details, please click here: https://www.eeb.gov.hk/food/en/committees/crss/restaurants.html
(Non-member)
0
0
咁大個人去過最好o既餐廳
2007-12-13 60 views
(都過左成個幾月先完成篇食評，俾著平時我真係冇咁神心。但因為今次實在好滿足、所以真係要幫呢間野打打氣。)哈佬喂亞媽生日、決定成家人出去食餐飯。亞媽之前同朋友黎過呢間舖頭，而且超罕有地讚呢間野(因為我亞媽煮送好叻)；所以問佢拎資料，諗同佢返啅一次。(順便自己都試下啦~)間野計人頭，好似最少要四人(今次我地七個人去)，位位百幾。冇菜牌，大廚話事煮咩就食咩~ (仲好、唔使諗)果晚去到得ＶＩＰ房有人，成個廳得我地一檯。正！如果有得揀，我建議都係唔好坐房，因為一來個廳真係好闊落，而且o的檯o既編排絕對唔逼；檯同檯之間o既空間真係跳舞都仲得~ 另外一個原因就係個廳真係裝修得好~~~~~靚！個感覺好舒服。我地一部份人七點半左右上到去；未夠鐘開席，坐低飲啖茶休息下。佢o的茶好得意，係玄米茶，味道冇乜唔同，但聞落去就好香~~周圍又陰o的陰o的咁有o的音樂，雖然o岩o岩放工，但個人都好快放鬆晒~廚房係八點開始上菜；果日我地有早有遲，差唔多成八點半先黎齊人；因為我地齊人先上菜，所以開頭幾道菜可以話係同時上o既。睇黎上菜等人但廚房唔等人，所以大家要注意下o勒。飲品：《齋啤酒》叫o左幾支齋啤酒，其實係麥汁。有汽
Read full review
(都過左成個幾月先完成篇食評，俾著平時我真係冇咁神心。但因為今次實在好滿足、所以真係要幫呢間野打打氣。)

哈佬喂亞媽生日、決定成家人出去食餐飯。亞媽之前同朋友黎過呢間舖頭，而且超罕有地讚呢間野(因為我亞媽煮送好叻)；所以問佢拎資料，諗同佢返啅一次。(順便自己都試下啦~)

間野計人頭，好似最少要四人(今次我地七個人去)，位位百幾。冇菜牌，大廚話事煮咩就食咩~ (仲好、唔使諗)

果晚去到得ＶＩＰ房有人，成個廳得我地一檯。正！

如果有得揀，我建議都係唔好坐房，因為一來個廳真係好闊落，而且o的檯o既編排絕對唔逼；檯同檯之間o既空間真係跳舞都仲得~ 另外一個原因就係個廳真係裝修得好~~~~~靚！個感覺好舒服。

我地一部份人七點半左右上到去；未夠鐘開席，坐低飲啖茶休息下。佢o的茶好得意，係玄米茶，味道冇乜唔同，但聞落去就好香~~

周圍又陰o的陰o的咁有o的音樂，雖然o岩o岩放工，但個人都好快放鬆晒~

廚房係八點開始上菜；果日我地有早有遲，差唔多成八點半先黎齊人；因為我地齊人先上菜，所以開頭幾道菜可以話係同時上o既。睇黎上菜等人但廚房唔等人，所以大家要注意下o勒。

飲品：《齋啤酒》
叫o左幾支齋啤酒，其實係麥汁。
有汽o既，甜甜o地，反而似汽水~
幾好飲架、但少少貴...

第一道：《齋滷味》
其實係海帶加黃豆，唔係出面齋舖o個種齋滷味。
冷盤、甜甜o地幾開胃~

第二道菜：《雜果沙律+ 金菇沙律》
都係冷盤。
雜果沙律o既生果係新鮮同爽o既！(雖然本人唔係咁水果做o既沙律...)
金菇沙律冇乜印象... orz

第三道：《椰菜花濃湯》
賣相好好！雖然叫濃湯，味道都算係清清淡淡o既~
份量真係好多... 個湯飲到完場都未飲得晒... (我o地有八個人架)

第四道：《酸甜肉排》
口感好正~ o的汁都係！
雖然係素肉，但個口感真係好似肉。
而且，雖然唔係肉味，但都唔會有o個o的好假o既齋味~
上冇耐就俾人搶晒~

第五道：《章魚丸子》
又係一款推介o既誠意之作！
材料其實係用糯米做成八爪魚丸咁o既樣~
個皮脆脆、個饀煙靭，再加上外面有少少Wasabi醬汁用紫菜絲........
成個配搭確實係天食無縫！！！
唯一缺點係一人一粒唔夠喉...

第六道：《黃金焗西蘭花》
西蘭花一向都係我o既至愛，所以呢味送o既「西蘭花」方面我毫無問題~
個「黃金」方面係用南瓜+香蕉...
味道係好o既、但用香蕉做送本人始終唔係未接受到...
呢味都係好大碟，又係食都完場都食唔晒~

第七道：《炸蜜瓜牛奶》
食到呢個時間，其實在場所有人o既容量都差唔多到o左極限...
但呢一味甜點真係出乎意料咁吸引~
大家都好樂意咁食o左幾件~
細細件唔會太漏、又有蜜瓜味好清新。

第八道：《泰式咖哩+ 黃薑飯》
仲有... 係咪嚇親大家？
所有人都已經食到反晒肚架啦... 所以你話係咪抵食先？
呢道菜冇太大印象囉~ 味道唔會差的。
依稀記得個咖哩比較稀；不過泰式咖哩係咁。

第九道：《壽包+ 黑糯米糖水》
真係九大簋呀~
最後一味甜品，因為阿媽生日，所以送壽包俾我o地~
個壽包梗好味啦，個糖水都好味。
可惜大家已經飽到上鼻哥窿，唔好意思都無法，始終食唔晒有o的o徙。

第十道：《私人帶去o既蛋糕》
樂意為你餅費，而且唔收費~
仲送埋蠟燭俾我o地添~

打字打到手軟，不過都值得~
我見呢間店一個食評都未有，實在有o的可惜。
因為以我呢次經驗，呢間店實在可以上到去Top幾的。
平、靚、正、服務好、環境好、衞生好。
講真，呢間真係我咁大個人去過最好o既餐廳；就算係食齋我都覺得好過好多出名o既舖頭。
假如你有緣見到我呢個食評，真係快去訂檯試試。
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Spending Per Head
$150