Video
Read full review
2023-01-14
81 views
新開的高質日式燒肉店，在黃埔網上群組美食排頭三位，已經幾次話想去試吓，今日終於可以同細妹撐枱腳。一入到店內，暗暗的燈光配襯深色嘅室內設計充滿格調，環境舒適乾淨，唔會有周圍油冧冧嘅感覺，卡位寬敞舒適。 Lunch Set都有好多選擇，我哋揀咗兩個燒肉定食。店員有禮貌服務好，如果唔想燒，會有專人為你燒，不過我細妹就鍾意自己燒。燒前以牛脂肪抹鐵板，另奉上三款秘製醬汁。 #黑毛和牛大判燒拼US牛板腱肉 $258 牛板健肉入口柔軟，充滿濃郁牛肉香，沾醬汁都唔會掩蓋牛肉本身嘅味道。鹿兒島A4和牛西冷，大塊而薄身，脂肪分布平均，每邊大約燒20秒，唔好太熟，燒熱嘅和牛捲入溫泉蛋轉一個圈，和牛被蛋汁包住再放入口，簡直返唔到轉頭，肉質嫩到幾乎入口即溶。#牛舌盛合 $138 牛舌有兩款味道，鹽味上牛舌、蔥鹽味牛舌，兩款都唔太薄切，燒完肉質嫩、爽脆、有咬口、牛味濃郁，用鹽輕輕醃過更能提升味道，再配上蔥粒一齊燒，口感更有層次。細妹好鍾意食牛舌，所以對牛舌都有要求，連佢都話好有水準。定食已包括白飯、沙律、餐湯、小食、甜品及餐飲，相當抵食，白飯係珍珠米，口感煙韌，成碗飯食晒，餐湯係海帶湯好鮮甜，沙律醬汁係酸酸柚
Lunch Set都有好多選擇，我哋揀咗兩個燒肉定食。店員有禮貌服務好，如果唔想燒，會有專人為你燒，不過我細妹就鍾意自己燒。燒前以牛脂肪抹鐵板，另奉上三款秘製醬汁。
黑毛和牛大判燒拼US牛板腱肉
9 views
0 likes
0 comments
溫泉蛋
2 views
0 likes
0 comments
#黑毛和牛大判燒拼US牛板腱肉 $258
牛板健肉入口柔軟，充滿濃郁牛肉香，沾醬汁都唔會掩蓋牛肉本身嘅味道。鹿兒島A4和牛西冷，大塊而薄身，脂肪分布平均，每邊大約燒20秒，唔好太熟，燒熱嘅和牛捲入溫泉蛋轉一個圈，和牛被蛋汁包住再放入口，簡直返唔到轉頭，肉質嫩到幾乎入口即溶。
牛舌盛合
8 views
0 likes
0 comments
#牛舌盛合 $138
牛舌有兩款味道，鹽味上牛舌、蔥鹽味牛舌，兩款都唔太薄切，燒完肉質嫩、爽脆、有咬口、牛味濃郁，用鹽輕輕醃過更能提升味道，再配上蔥粒一齊燒，口感更有層次。細妹好鍾意食牛舌，所以對牛舌都有要求，連佢都話好有水準。
定食已包括白飯、沙律、餐湯、小食、甜品及餐飲，相當抵食，白飯係珍珠米，口感煙韌，成碗飯食晒，餐湯係海帶湯好鮮甜，沙律醬汁係酸酸柚子醋，小食係大豆芽菜。
杏仁奶凍、雪糕糯米糍
22 views
0 likes
0 comments
#杏仁奶凍、雪糕糯米糍
甜品估唔到都有兩款提供，有驚喜，杏仁奶凍，杏仁味香濃，唔太甜，夠滑身，雪糕糯米糍係雲呢拿味，大大粒，上枱時溫度剛好可以入口，仲要用個靚靚木盒盛住，打卡一流。呢個價錢食到呢種高質嘅日式燒烤，性價比高。
YAKINIKU KAKURA 地址：紅磡黃埔天地聚寶坊地下G1及G3號舖
Post
