本場

Open Now

Now Closed

我們叫左頂級澳洲和牛海鮮放題，肉類都好多款，但我超愛食牛肉，所以都係主攻M5澳洲和牛小排，M7和牛胸腹，M7澳洲和牛牛板腱，肉味香濃，油脂分佈算平均，薄切牛舌燒起來都好嫩，當然仲有其他肉食我最後亦叫咗日本白豚梅肉，肉質鮮嫩，唔怕燒得太柴口。加$48 有日本原隻生蠔，車海老，半殼鮑魚，大大粒嘅香草牛油帶子，海鮮都真係好新鮮，我哋都叫左幾轉生蠔，記得係要燒既，鮑魚鮮美，車海老真係好大隻。無諗過有一鍋既冬蔭功，湯料都好足，隻蝦都好大隻，唔會話太辣，岩香港人口味。甜品竟然有鯛魚燒，車輪餅，小朋友一定好鍾意，我都好鍾意，開至細既火，燒到脆卜卜就食得，鯛魚燒既豆沙勁爆，車輪餅餡料是滿滿既吉士醬，真係要留肚食。另外，都有唔少甜品都可以叫，但每人只有一杯movenpick 雪糕，都滿足到嗜甜既我們。仲有冷盤，小食等等，真係好多野食。