花火和食 (Closed)

行完日式大型超市Soda mall, 順便食埋同一商場入面既日本野。餐廳裝修日系企理整齊，放左好多好靚既玩具模型，有龍珠福音戰士陪你食飯！餐牌好多選擇樣樣吸引，尤其係小食，價錢又唔貴好想全部都試。先食個熱辣辣既牛肉雜菜鍋暖暖身先，揀左豚骨湯夠濃味，鍋有好多菜超健康。明太子芝士豆腐呢個係最好味😋面頭好多明太子醬足料，豆腐硬身似魚肉中間仲有芝士。可樂餅即係薯餅又係必食，面脆內軟，紫薯甜心芝士綿延一口和牛有嚼口，配埋多洋蔥🧅同黑胡椒醬汁好送飯。